Joe Biden Admin nih an tuah sul mi cu a thup kho ti lo caah fiangter an langter law law cang

Afghan Withdrawal ah Joe Biden Admin mual a pho ning cu thei dih si cang. Withdrawal US ralkap 13 le Civilian minugn 170 an thi hnuah US nih Drone hmangin ISIS-K tiah zum mi chungkhar cu ceilak in a kap than hna. Mah Drone Strike ah Afghan chungkhar pakhat ah minung 10 an thi. Mah kongah US nih a chim ning ahcun fiangtein information kan thei caah

ISIS-K pawl an si ti kan thei dih hnuah le fiangternak kan ngei hnuah kan kah mi a si tiin an chim kha. Natein a thi mi chungkhat lei,

Emal Ahmadi nih ISIS-K an si lo ning le an motor chungah thil dik lo le misual an sinak langtern khawh mi zeihman a um lo ning fiangtein a chim lengmang i,

Media pawl nih interview an tuah lengmang tikah, Joe Biden admin cu a mualpho chin lengmang fawn tikah, atu cu an thil rak tuah mi, Agusut ni 29 Strike kha an thup kho ti lo caah mah bantuk in US nih thil a tuah mi kha poi an ti ning an chim hnuah a thi mi chungkhar sin ah ngaithaim halnak an chim.

Natein Emal Ahmadi nih The Associated Press sin ah a chim mi cu, Washington nih an thil tuah sualmi kongah ngaithiam halnak

bia lawng an chim mi nih an lungfaknak a dam ter kho lo tiin a chim. US nih sorry an ti mi biafang lawng hi a zah lo.

Mah bantuk in thil a tuah mi hi hlethlainak tuah seh fakpi in hrem hna seh. Kan cungah thil a cang mi h celh ding a si lo, a fak tuk hrinhrang tiin a chim. US nih kan chungkhar hi compensation/Tangka lei in bawmhnak a kan pek hlei ah kan him khawhnak ding caah ramthumnak ah kan um khawh venak ding caah lam kan kawl piak seh tiin a chim chap. Credit-RTK

Kawlram thawngpang thawngtha… SAC phu nih rammi cung an tuahsernak UN Nuhrin Covo Tawlreltu sin ah NUG nih report ca an tial.

SAC phu nih rammi cung an tuahsernak UN Nuhrin Covo Tawlreltu sin ah NUG nih report ca an tial. September 19| SAC phu nih Sagaing Ramthen le Magwe (Magway) Ramthen cbung

July thla lio ah rammi cung an tuahsernak he pehtlai in NUG nih UN Nuhrin Covo Tawlreltu Phu sin ah report ca an tial,

tiah theih a si. Hi report ca hi September 13 lio, Switzerland ram, Geneva khua ah tuah mi a voi 48nak UN Nuhrin Covo Tawlreltu Phu meeting ah NUG nih an tial mi ca a si. “Sagaing Ramthen le Magwe Ramthen chung ah SAC phu nih mizapi cung ah an tuahsernak he pehtlai in ca kan kuat hna i aralai mi September 22 ah Myanmar ram Nuhrin Covo kong he aa pehtlai mi meeting hlan ah Online in chimnak nawl kan ngei kho ve lai,” tiah NUG Human Rights Affairs Minister U Aung Myo Min nih a chim.

Hi kong ah a luancia July thla thok in SAC ralkap, palek le pyu-saw-htee hna nih Sagaing le Magwe Ramthen chung khuami thahnawn,

innlo khanghpiak le thil firpiak, hrem tibantuk in an tuahsernak cu khuami hna sin in theih khawh a si, tiah Khit Thit Media nih a tial.

Thawngtha dang…Monywa Bank hngak Palek pakhat meithal zuun 2 he CDF-Hakha sin ah aa fon, CDM a tuah. Monywa Bank hngak Palek pakhat meithal zuun 2 he CDF-Hakha sin ah aa fon, CDM a tuah September 19| Sagaing Ramthen Monywa khua ah Myanma Economic Bank a hngak mi Palek pakhat cu meithal zuun 2 he CDF-Hakha sin ah fon in CDM a tuah tiah kan theih.

Hi thawng hi Khit Thit Media nih a tial mi a si i The Hakha Times nih CDF lei message in biahalnak kan kuat mi hna lehnak a um rih lo.

“Hi Palek pa hi nihin September 19 ah CDF-Hakha sin ah him tein a phan cang. Meithal zuun 2 aa chuahpi,” tiah PDF-Monywa (Thanmani) phu nih an thanh. Monywa Myanma Economic Bank hngak mi Palek cu meithal zuun 2 he CDF-Hakha sin ah him tein kan chiahthlah khawh tiah an thanh. Cre-THT

Be the first to comment on "Joe Biden Admin nih an tuah sul mi cu a thup kho ti lo caah fiangter an langter law law cang"

Leave a comment

Your email address will not be published.


*