Vawleicung ramkip nih February ni 16 ah zeidah a cang lai tiah, Idohnak a chuak lai i Vawleicung ral voihthumnak a chuak men lai tiah lungreithei bu in an zoh peng mi cu zeihman thawngpang thei ding mi a um ti lo caah US cu a mualpho bak ko. US cozah nih a chim ning ahcun Russia nih Ukraine cu February ni 16 ah a tuk lai tiin US cozah nih a chim kha.
Natein zeihman thawngpang thei ding mi a um lo caah ramdang zong nih US intelligence an langter mi
cu ceilak in an soisel i an mawhchiat hna, Russia President Putin’s press secretary Dmitry Peskov nih
a chim ning ahcun, Russian president Putin nih West (US & NATO) pawl nih idohnak caan an chim mi cu capo nihchuak caah ahmang tawn tiin a chim. Natein West pawl media nih heh tiah an aupi i tih nung tuk mi a si lai tiah an tial tawn mi hna hi ngaithiam ding a si, mah pawl hna hi lung kaupi ngei buin thei thiam an her tiin a chim. US National Security Adviser Jake Sullivan zong nih a chim i,
Russia nih Ukraine hi a tuk hirm lai, a rau lai lo tiin a chim, a ni le caan lawng a chim lo.
Russia’s Deputy Ambassador to the UN nih a chim mi, Russia President Putin’s press secretary Dmitry Peskov nih
a chim than ning ahcun, “West pawl nih Russia Ukraine invasion ding mi cu heh tiah an zum ning an chim i tih nung tuk mi a si lai ti bantuk in an chim mi a tam tuk cang caah West pawl/ Joe Biden nih Sibawi/Doctor tha an herh tiin nihsawh le zeirel lonak caah a ti hna. A ruang ka tthei bak lo, Ralkap pawl Drill kan ngei ruangah idohnak a chuak lai tiah an chim i heh tiah an aupi
lengmang mi hi a ruangh thei har ngai, sibawi tha cu an herh bak ko hi” tiin a chim. Cre-RTK
Kawlram thawngpang…Myanmar ralhrang sin ah hriamnam zuar mi ngol ding in Burma Campaign UK nih
Pakistan Prime Minister Imran Khan sin ah Febuary 14 ah nawlnak a tuah. Pakistan cu Myanmar ralkap he caan saupi runvennak rianṭuanṭi ding in hnatlaknak a ngeimi an si bang, Pakistan nih Myanmar cu Hriamnam thil pin ah a hlei in JF-17 Jet Fighter a bawm pengtu a si. Tutan ah Pakistan nih Myanmar ralhrang hna sin ah
Motre, Laucher, Machine Gun, Jet fighter le Rocket a zuarh ṭhan lai tiah thawngpang theih a si i
Myanmar ralhrang agents pawl zong hriamnam an rak kuat hlan ah hriamnam zohfelnak ngei ding in Pakistan ah an kal lai, tiah theih a si. Cu hriamnam pawl cu ralhrang nih civil mi thahnawnnak ah an hman lai i Myanmar ram ah civil mi thahnawn an tonmi a karh deuh lai pin ah, Pakistan nih a dirpi mi Rohingya miphun cung
zong ah a hman ṭhan lai, tiah Burma Campaign UK nih cun Imran Khan sin ah ca na kuat.
Cun, Canada Hluttaw Palai Anna Roberts nihcun, “Imran Khan nih hin Myanmar mizapi a thatnawngtu ralhrang he siloin Myanmar mizapi lei ah a dir awk a si, Myanmar ralhrang lei a dirmi le hrianmam a zuarhmi hi Myanmar ralhrang nih an tuahser mi ṭhatlo le Human Right an buar mi ah thazang petu bantuk a si lai,” tiah a chim. Cre-TCP