President kumkhat a tuan cang, US ram caah thil tha a tuah mi chim ding a um lo, Joe Biden nih a uapi ngai mi Build Back Better (Build Back Batter nih a tim mi ka vun tial cang kha mah Chinpage ah hin) kongah Joe Biden duh ning tein tlam a tling kho ti lai lo
Democrat a si ve mi, Senator Joe Machin nih Joe Biden nih bills a chuahpi mi Buil Back Better cu
ka vote nem mam lai lo a ti than hoi cang. Voihkhatnak ah Foxnews ah mah bantuk bills hi ka vote lai lo tiah
a chim hnuah White House he mah bills kongah i ceih tinak an ngei than. Natein Senator Manchin duh ningbantuk in White House nih mah Build Back Batter policy an thleng duh lo caah Senator Manchin nih atu cu White House he i chawnnak ka ngei ti bak lai lo tiin biakhianka a tuah cang. Mah Joe Biden nih Bill a lut pi mi hi Senate nih a cohlan lo ahcun President kut ah a phan khawh lai lo.
Senate ah Democrat lei nih vote khat an her. Republican lei nih an dihlak in mah Bills hi an duh lo in NO lei ah
an vote dihlai ti an fiangter cang. Democrat lei kap in an dihlak in YES ti kho dirhmun an si ti lo. Cred-NewsMax.
Thawngpang dang…Karenni ramkulh, Demoso le LoiKaw ah ralhrang nih ralkap thazaang tampi le raldohnak tank tiang hmang in KPDF an kah hna. Kahdohnak ah ralhrang lei in minung 8 hrawng an thi, tiah Karenni People Defense Force KPDF sin in theih a si. Nihin January 6, zinglei suimilam 4: 45 ah ralhrang nih
Daw Po Si khua ah hriamngan in mizapi ralkap an kah hmasa hna i, kahdohnak cu zinglei 8: 30 hrawng in an thawk.
Mizapi vengtu ralkap phu hna he hmaitonh in kahdohnak a chuak, tiah Karenni People Defense Force – KPDF thawng an thanh.
Kahdohnak ah mizapi ralkap nih ralhrang lei an hliamh tuk hna caah LoiKaw in tank pathum le ralkap thazaang motor pahnih bawmtu an thlah hna i, zanlei suimilam 4:00 tiang kahdohnak pehzulh in a um; mipi inn pariat ralhrang nih an khangh. Hi kahdohnak chung ah hin ralhrang lei in minung pariat hrawng an thi, tampi hliam an tuar, tiah theih a si. Atu ah cun ralhrang hna nih Daw Po Sii pawngkam hrawng ah ralkap tampi an chiah chap i hmual ngei deuh in cawlcangh an i tim tiah Khit Thit Media nih a tial. Cred-TCP