US president approval rating hi ka tial tawn lengmang, a ruang cu US president nih a rian a tei maw, a rian thatei a tuan maw ti thei khawhnak ding caah US mipi nih an thei khawhnak a si caah president approval rating hi US ah cun a biapi ngai ah an chia mi a si. Joe Biden approval rating cu Democrat pawl caah zoh ngam ding si ti lo,
a kut tangah a tuan mi Vice President Kamala nak in a chia deuh cang caah White House staff pawl zong an ningzak ngai cang i,
mi tampi cu an rian kaltak an duh cang tiin source tampi nih a langter. kum 2022 ah White House staff tampi
cu an rian an tuan duh ti lo caah an rian in an nih phuah lai tiah source tampi nih an langter. President Joe Biden’s Job approval rating hi a top deputies vice president Kamala Harris and Chief Medica Adviser Dr. Anthony Fauci nak in polls ah a niam deuh cang. Kum 79 commander in chief Joe Biden cu US mipi nih an duh lo bik mi pakhat a si cang, Atu hi US president Joe Biden hi federal official pawl lakah approval
rating minung 11 ah pakuanak a si i, mah bantuk rating chia a ngei caah White House zong an buai ngai ve tiah thei a si.
President Joe Biden nih Gallup poll December ah 43 percent lawng a hmuh. Federal Official minung 11 lakah pakuanak ah a um.
Biden disapproval ratings cu 51% a si. Kamala Harris 53%, House Speaker Nancy Pelosi 40 percent and senate God Leader McConnell cu 34 percent ah a um. Supreme Court Chief Justice John Roberts cu tlawmpal a dirhmun a tha. Atu hi Trump nih Conservative Justices pathuam a chia mi pawl he nauhrawh/Abortion bill Roe V. Wade an buaipi lio a si.
Vice President approval rating cu 44 percent a si. Senate Democratic Leader Chuck Schumer he an nih khat. President Joe Biden cu Vice President Kamala Harris nih
approval rating ah a tei caah White House staff pawl an ningzak ngai i tiah news site tampi nih an langter. Cred-RTK
Kawlram thawngpang…Rampi nih ruahnak hal a simi Daw Aung San Suu Kyi nih a ton cuahmahmi ramdang in ram chungah thilri luhpinak section le pakhat le pakhat ipehtlaihnak section he case pahnih hmangin tazacuai a sinak kong he pehtlai in kum 2021 Dec 27 ah biachahnak tuahpiak cang
dingin nawl an si cang nain nizan ahcun biachahnak tuahpiak loin a ra lai dingmi kum 2022 January 10 ah
biachahnak tuahpiak dingin an thial than cang tiah theih a si. Cupinah nizan zungpi hmaiah an chuahpi lioah Daw Aung San Suu Kyi nih a toncuahmahmi a dang kokek vawlei lei tawlrelnak kongah Mandalay ramthen chief minister Dr. Zaw Myint Maung nih vedio file
pakhat hmangin theihpinak tehte chimphuannak a ngei tiah thawng theih a si.
Nyi Pyi Taw special biaceihnak zungpi ah kum 2021 Dec 27 zinglei caan ah an tuahmi biaceihnak zungpi hmaiah Daw Aung San Suu Kyi cu an chuahpi nain atu bantukin a vawihnihnak an thial than nak a si tiah biaceihnak zung he naihniammi hna sinin thawng theih a si. Ref: Voice of Myanmar