Joe Biden cu a mualpho chin lengmang ko cang ee!! European Union an vun holh ve cang

Joe Biden tangah vawlei cung ramkip a him lo chin lengmang cang ko. Biden Afghanistan Withdrawal nih Afghan lawng a buaiter lo, US allies (hawikom) Isael, Taiwan le ram dang tiang hnahnawhnak a pek cang. Caah US allies pawl nih Biden Admin tangah US cu an zum ngam ti lo i, i bohchan tlak a si lo tiah an chim cang

European Union President Ursula Von Der Leyen zong a vun holh ve cang i, Joe Biden admin tangah European Union pawl nih

US cu i bochan tlak ah an ruat ti lo caah UE President Von Der nih a dang in ralkap dir si seh tiin a vun chuah pi ve cang

European Commission President von der Leye nih a chim chap mi ahcun, ram 27-nation bloc lawng si loin, NATO zong nih, US cungah zumnak ngei ti lo in thatein an ruat than a her tiin a chim chap. Joe Biden nih August 30 in Afghanistan cu a hlawt, Mah ruangah EU zong nih hmailei an dirhmun thatein an ruat a her cang.

President Ursula Von Der Leyen nih a chim chap mi ahcun, EU ram pawl nih US tel lo in ralkap thawng kan ngei khawhnak ding caah lam kan kawl a hau cang.

Kum 2022 ah France ah EU Defense summite an ngei lai, mah EU Defense Summit ah ceih a si lai

President Ursula von der Leyen a bia chim mi cu US caah cun ningzat tuk ding mi si cang. EU lawmakers pawl thil sining nan hmuh ko lo maw? Afganistan ah thil a cang mi, US ralkap pawl an tuar ning le zaangfah an si ning vialte kha. Kha bantuk in ralkap pawl nih an tawn ti lonak ding caah kan mah nih  thatein lam kan ser i,  rian kan tuan a her cang,

NATO chungah bak ah hin thatein kan ruat than a hau tiin a chim EU ram 27 pawl nih intelligence sharing tha an ngei khawhnak ding caah lam an kawl lai i rian tuan an nih tim cang.

Europe lei ah hriamnam an ser mi hmangin an ralkap pawl zohkhen an si lai i, US kut tangah um lo nak ding caah lam kaupi a ser piak hna lai. Cre-RTK

kawlram kong….Ralhrang Nih RC Father Le A Kuttang Pa An Velh Hna.Yangon ramtthen Hmawbi myo Meithat zung hmai ah a ummi Khrihfa biakinn ah September 14 ah ralhrang an lut i Father pa le a kuttang pa an velh i a kutang pa cu ralhrang nih an tlaih i an kalpi tiah tiah theih asi.

”September 14 zaan suimilam 9pm hrawng ah Palek le ralkap cu Biakinn chung ahcun an lut a ruang cu Biakinn chung ah PDF minung 13 an um tiah Dalaan nih thawng an pek hna caah a si

an van kawl i an hmu hna lo tik ah Father pa an vuak i a kutangpa nih Father pa a vel tu cu a dawh i a kuttang pa zong an velh chih ve. Zei PDF zong an um loh” tiah mithmu tu pakhat nih a chim.

Cu hnu ah Father kuttang pa cu an tlaih i a phone an chek tik ah NLD he ai pehtlaimi hmanthlak a um ruang ah an kalpi tiah theih asi. A thaizing September 15 Aamahkhan in a chuak tthan. Father pa cu ralhrang nih an velhnak ah a zaw tiah theih asi. Source- Mizzima

Kawlram kong…Demohsu, Sanpiah 6 mile khua pawng Ralhrang le Karenni ralkap kar ah kahdoh nak aum i ralhrang lei in minung 4 an thi.

Kayah ramkulh (Karenni ram),Demohsu peng Sanpiah 6 mile khuapawng tlang cung ah hmunhma khuar mi ralhrang hna cu Karenni ralkap KA le Karenni mipi veng tu ralkap

KNDF nih tuzing Suimilam 8:30 hrawng ah an kah hna i ralhrang 4 hrawng an thi tiah KNDF nih a thanh. September 15 zong ah khan Demohsu, Htwe Lwe Bela(ထြီးလႊီးဘီလာ)khua pawng Chi Yar(ေျခရာ) tlang cung ah hmunhma khuar mi hna le

Karenni a bawmmi ralkapbu hna kar kahdoh nak a um . Mipi hna cu kahdoh nak aum nak Demohsu (ဒီေမာ့ဆို)peng Daw Puu Si(ေဒါပိုးစီ), Sanpiah 6 mile khua,

Paru So(ဖ႐ူဆို) peng Kadalar(ကဒါးလား) khua tiang Loikaw(လြိဳင္ေကာ္) – Demohsu(ဒီေမာ့ဆို)- Paru So(ဖ႐ူဆို) lam vialte cu hohmanh tlunkal lo ding in KNDF nih theihter nak ca an chuah. Source=-Khit Thit Media (Cred-TCP)