Joe Biden cu Trump a soisel bantuk a si ti lo. Covid ruangah a mualpho bak ve cang

Presidential campaign lio ah Joe Biden nih Trump cu heh tiah a rak soisel tawn kha. Trump nih Covid kongah a rian tuan ning vialte cu US caah zeihman a si lo. Kei President ka si ah cun a rau hlan ah Covid hi ka dawngter lai tiin a rak chim kha

Natein campaign lio ah a rak chim mi cu, President a vun si hnuah a chim ning bantuk in zeihman a tuah kho hlei lo.

Atu hi thla 6 President a tuan cang. Covid Delta Variants ruangah US cu heh tiah a buai than cang. Masks zong masksfree si ti lo in, Mask cu hmang than ding in heh tiah a aupi cuamah than.

Lower House Congress ah Nancy Pelosi le Republican Minority Leader Kevin McCArthy zong heh tiah an ka in an i phomh cang. Harvard poll nih July thla record an langter mi ah, President Joe biden nih Covid -19 ah rating 52 lawng a hmuh ve. Rating hi a niam thluamah lio a si.

Atu cu Covid sii a um cang i, mi tampi nih an lak cang. Natein Covid sii lak hnuah covid kai than ti lai lo tinak si lo in, Covid ruangah a faktuk mi zawhnak kha tlawmpal a kham ti a si.

Mi tampi Covid sii a lak cang mi, Covid an ngei than lengmang caah US ah mi tampi nih Covid sii an lak duh lo

Atu bantuk in President Biden zong, Covid a zohkhen ning ah a point a chia chin lengmang ah cun Covid ruangah former President Trump nih a min a chiat ngai ve lai tiah zum a si. Delta Straints hi a ngei mi an tam ngai cang i, US State tampi ah siang ngakchia zong si le,

ralkap tuan tu zawng si seh, cozah rian tuantu vialte nih Covid sii i chun dih hna seh tiih Biden nih a kalpi,

Natein Republican State a si mi nih an cohlan lo i, a duh duh in phunglam loin US ah a pem mi, Covid a ngei mi a rak lutter i, kan mah US ram ah um mi caah tih nung tuk mi thil tampi a tuah lio ah hi bantuk in US Citizen a si mi Covid i chun ding le mask hmang ding in Joe Biden nih a kan fial mi hi, a nawlh kan ngai hlei lai lo tiin heh tiah an zai. Cred-RTK