Former President Joe Biden nih US citizen a si mi pakhat ruangah ramdang ceilak in phomh a duh lio ah Joe Biden cu US Embassy Yamen kongah ceilak in a mualpho than hoi cang. Kan theih cia bantuk in US Embassy Yamen cu ralhrang pawl kut tangah thlakhat hrawng a um cang.
Yamen Embassy hi official in khar a si cang nain Yameni Staff le Security tampi nih an zohkheng peng mi a si.
Yamen ah hin Houthi Rebels le Saudi led coalition pawl karlakah i kahnak a um peng. Biden Administration nih Houthi Movement pawl thil tuah ning cu heh tiah an soisel.
Embassy Staff pawl hna cu chuah ding in diplomatic channel kan chawn hna tiah an chim mi cu November thla a dih cang lai natein thawngpang zeihman theih ding mi a um lo. Biden Administration hi August 2021 ah Afghanistan Withdrawal rianrang in a kalpi caah heh tiah a mualpho cang i, US mipi 14 tiang an rak thi kha.
Afghan kongah thawngpang a dai hlan ah Haiti Mawazo 400 Gang pawl nih US based Missionaries minung 20 an tlaih hna.
Atu hi minung 3 cu tlan an si cang. Atu hi minung 15 hrawng an kut an chia ko hna. US nih tangka tampi in a tlan hna lo ahcun thah an si lai tiah an chim peng fawn tikah lungreithei ngai in an um.
Yamen US embassy Houthi Rebels pawl thil tuah mi kongah US Secretary of State Antony Blinken nih International Community pawl nih an dirpi ning kong heh tiah a chim i, Embassy Staff pawl cu thatein chuah ding in Houthis ralhrang pawl hna cu a nawlh hna
February thla ah President Biden inauguration an rak tuah lio ah khan, President Joe biden nih Houthis pawl hna cu
US Terror List in a hlawn hna i, natein atu thil thalo tuk mi an tuah than hoi tikah Joe Biden cu a mualpho tak tak cang i,
US Treasury Department nih November hramthawk hrawngah khan senior Houthi military officer Saleh Mesfer Alshaer cu sanctions an tuah than i, natein zeihman thahnemnak um ti lo. United Nations , UNSC nih US Embassy Yamen staff hna cu chuah ding in thawngthanhnak an tuah, natein Houthi Rebels pawl nih uico ah hman an rel lo.
US State Department spokesperson Ned Price ah President Biden nih a uapi ngai mi Diplomacy hmang in Yamen Embassy staff te hna chuah ding in heh tiah a zuam cuamah lio zongah nihin tiang
Joe Biden bia le hla cu zei ah an rel piak duh lo. Joe Biden Admin nih a chim ning ahcun, a luancia admin former President Trump rian tuan ning bantuk si lo in diplomacy lei in rian kan tuan lai tiah i ua ngai in an chim hnuah, Joe Biden admin cu kumkhat rian an tuan hlan ah ram pathum ah ceilak in minchiatnak an ngeih cang. Cred=RTK
Be the first to comment on "Joe Biden cu vawlei cung hmaiah a mualpho bak hoi cang"