Joe Biden le China president Jiping an i chon ning ah Joe Biden a ral chia tuk an ti

Joe Biden cu US president a si hnu thla 7 hnuah China President Xi Jiping he an nih chon khawh cang i, US le China karlakah buainak tampi um hman seh law ral i tuk tiang cu chuak lo seh tiin a duh ning a chim. Biden nih a chim ning ahcun US le China karlakah buainak fakpi a chuak zong ah a ra i tuk tiang cu

chuak lo seh i lungput kan ngei a her. Thil thalo, ruahnak lungput tha lo cu ngei lo ding in lungput kan ngei a her tiin a chim

Chinese State Media nih a langter ning ahcun, Xi Jiping nih US le China nih zeihman buainak um lo in kan tawrel khawh ko tiin a chim.

Atu kan vawlei caan a rang tuk mi le thil zeipoah a tlung peng mi century ah hin bia halnak tampi a um lai, natein a lehnak cu ram pahnih lawng nih a dang ve ve in lehnak kan tuah khawh tiin a chim. January ah Xi Jiping nih Joe Biden lawmpinak a chon hnuah voih khat hman an nih chon bal lo i, a tu hi voihkhat an nih chawnnak a si.

Washington le Beijing karlakah buainak fakpi a chuak peng i, kum 10 chungah an dirhmun a chia bik caan a si.

Former US President Donald nih trade wars US-China a tuah caah US le China relationship cu fakpi in a hrawh, a ruang cu US company tampi, China ram ah an nih thial i, mah pawl hna tangka kha China nih a lak lengmang tikah former President Trump nih a si khawh bak ti lo tiin China ram chung in a ra mi thil

hna kha tariff a kai ter caah China nih a duh lo caah US le China karlakah  Trade War tiang a tlung mi kha a si. . Cred-RTK

Kawlram thawngpang… Yaw PDF Le Mindat CDF Nih Gangaw Peng Min Khua Palek Riahbuk An Kah, Palek 35 An Thi.

Magway ramthen Gangaw peng Min khua palek ruahbuk cu Sept 12, zinglei 2 hrawngah Yaw PDF le Mindat CDF i bawm in an kah riahbuk ah a ummi palek 5 le anmah bawmh dingin a rami palek 30, an zate palek 35 an thi tiah Yaw PDF nih an thanh. Yaw PDF le Mindat CDF lei in minung 3 hliam an tuar nain a fak lo tiah theih a si.

Myiang Peng Kyauk Yit Khua Cu Ralhrang Nih An khangh, Khuami 7 An Thah Hna. Sagiaing ramthen Myiang peng (မြောင်မြို့နယ်) Kyauk Yit khua cu Spet 12,

zaan 9:45 pm ah ralhrang nih a khuaningin mei in an khangh i khuami 7 an thah hna tiah theih a si.

Khuami pakhat nih cun “Kyauk Yit khua palek riahbuk ah umhmun an khuar. Kyauk Yit le Ko Pin khua hi Martial Law an thanhmi a si. Khuami 7 an thah hna. Khuachung ah an um ko rih.

Khua cu mei in an khangh, kan naih ngam lo” a chiim. Kyauk Yit khua ahhin Sept 8 thok in PDF le ralhrang kahdohnak a um i khuami tam deuh cu hmundang ah an zam tiah theih a si. Source- Khet Thit Media (Cred-TCP)