Midterm Election anai cuamah cang i, Republican pawl zong nih mipi nih an duh deuh mi zeidah a si tiin mipi duh ning bantuk in rian tuan ding in lam an kawl cuamah lio a si. Kum 2009 hnuah, Republican party in Governor thim hmasa bik mi Glenn Youngkin zong nih Virginia state’s 74th governor si ding in January Ni 15 ah
tlamtling tein biakamnak a tuah ve cang. Biakamnak a tuah hnu suimilam tlawmpal ah, Joe Biden le Democrat pawl nih
nawl an rak chuah mi cu heh tiah a Governor nawlneinak in a thah piak thluamah ve. Governor rian a tlaih bak in
executive order 11 ah min thutnak a tuah cawlh. Min thutnak a tuah mi ah a lar deuh mi hna cu, Virginia state chungah, minung pakhat nih a duh lo buin Covid sii i chun ter kha a nga lai lo. Mah le duhthimnak a si lai, Covid sii a chun lo mi hna cu, nan rian in phuah nan si lai, Nan rian tuannak ah promotion kaiter nan si lai lo ti vialte cu a thah dih
Cun Sianginn ah tu lio US ramchungah a lar ngai mi Critical race theory cu kalpi a si lai lo tiin min thutnak a tuah.
Mipi sin ah biachimnak a ngei i, Virginia state ahcun zalongtein business tuah khawh a si lai, Kum li rian ka tuan chungah
Virginia mipi caah riathar 400,000 ka serh lai i, 10,000 new startups kan ser lai. Cun tu lio US ram nih a buaipi ngai mi thil man a kai tuk mi hi thatein ka tawrel lai i, rian tu tampi in ka serh chin lengmang lai tiin a chim. Virginia state chungah mipi caah heh tiah rian tuantu pawl, palik pawl hna cu upat than an si lai i, Palik pawl lei kap ka dir lai tiin a chim.
Virginia hi Democrat party nih caan saupi Governor an rak tuannak a si. Atu kum 2009 hnuah Republican lei
nih Govornor rian an vun tuan than lai caah zeidah a lawh te lai, Republican Governor pawl hi an rian tuan ning le an state an 
zohkhen ning zoh ahcun tu lio American mipi nih an duh ngai mi hna a si. US state kip zoh ahcun, i thahnak, meithal in i kahnak, sii zuar, Dawr hrawh ti tamnak state hi Democrat Governor pawl umnak lawngte a si caah mi tampi nih Virginia Governor thar Glenn Youngkin zong State dangah Republican Govornor bantuk in a state caah rian tuan lai tiah zum a si. Cred-Newsmax