Joe Biden cu a mualpho chin lengmang cang ko, kum 1969 hnu ah (kum 52 nak ah) US ram chungah rian tuan ding mi a ngei lo mi an tam bik caan a phan tiin labor Department nih Nili ni ah thawngthanghnak a tuah. Zarkhat chungah US ram chungah rian tuan ding mi angei lo mi an kar chin lengmang i, rian tuan ding mi angei lo mi
December ni 4, zarhdawngnak ah 43,000 in 184,000 tiang an phan cang tiin Labor department nih a langter
November ah US ram chungah Consumer price 6.2 percent tiang a kai i, natein December zarkhat nak ah Economic expert pawl nih
Consumer price hi 6.7 percent tiang a kai lai tiah an zum ning an langter. Atu hi US ram chungah thil man a kai tuk caah a hlei in Small business atuah mi pawl nih harnak fakpi an tawn cuamah lio a si. US ram chungah supply Chain ruangah mi tampi nih an duh mi le her mi cawk ding mi an hmuh lo tiin report nih a langter. Cred-Breitbart
Thawngpang dang….Chin Pastor Pakhat PDF tiah an Puh i SAC Ralhrang Hremnak in Nunnak Liam. Magwe ramtthen, Saduh-daya peng,
Thake-daung khuate ah Pathian rian a ttuan liomi Asho Chin pastor Salai Ngwe Kyar cu PDF na si tiah SAC ralhrang nih an hremnak ah a nunnak a liam, tiah thawng kan theih.
December 6 ah khan Saw peng chung ah Khrihfabu rianherh khual a tlawn lio ah SAC ralhrang nih an rak tlaih.
PDF na si tiah an puh i, Saduh-daya palik zung ah ralhrang nih ruru hranghrang in an hrem ruang ah December 8 ah Magwe General Hospital ah an chiah. An hremnak hliamhma in Pastor Salai Ngwe Kyar cu nihin December 9 zinglei ah Pathian ttang ah aa din.
Pastor Salai Ngwe Kyar hi Thake-daung khuate ah a tthanglianmi a si i, Baibal sianginn a dih hnu in an khua Baptist Khrihfabu ah Pathian rian a ttuanmi a si. Cre-TCJ
Thawngpang dang.. Thaizing Hakha “Silent Strike” ah Mizapi i Tel Ding in Forhfial. Thaizing December 10 cu vawleicung Nuhrin Covo Ni a si bang in Myanmar ramchung khuapi kip zong ah ahohmanh lengchuah lo, dawr zong on loin innchung ah daite in umnak in ralkap
uknak duhlonak langhter ding in timhtuah a si. Myanmar ramchung khuapi tampi ah cun zinglei sml. 10:00 in zaanlei sml. 4:00 tiang
“Daite Duhlo Langhternak” (Silent Strike) tuah ding in timhtuah cio a si. Hakha khuapi zong ah chun sml. 12:00 in zaanlei sml. 4:00 tiang daite in inn ah i erhnak in ralkap uknak duhlonak langhter ding in mino hna nih forhfialnak an tuah. Cred-TCJ