Joe Biden mualpho a ti tuk caah US ram, dirhmun tha lo ah a chia tu arian in a phuah ngam lo

Mah Chinpage ah US politic fih nung ning le foreign policy kongah US thil tuah ning voih tampi ka rak tial tawn, mi tampi nih soiselnak caah an hmang, natein a thei lo mi theiter hi Media kan rian pakhat a si ve caah tu thil a cang mi fih nung tuk mi ka vun tial than lai. US ralkap lei ah ralbawi a si mi, Chairman of the Joint Chiefs of Staff Mark Milley nih

President Donald Trump President a rak si lio kum 2020 ah, President Trump le midang theipinak tel loin,

China, General Li Zuocheng of the People’s Liberation Army cu phone in voih hnih a chon tiin Cauk a chuak ding mi ‘Peril’ nih a tial (The Peril kong cu mah chinpage ah ka rak tial ang kha, A rel than duh mi nih rel khawh a si lai. Chinpage ah a um ko kha)

Mah bantuk thil hi vawlei cung ramdang ah a tlung bal lo mi a si. President theipiknak tel loin, zei bantuk ralkap bawi a si zong ah, ramdang, Mah le ram caah ral bantuk a si mi sin ah chawn a nga lo. Mah bantuk in Chairman of the Joint Chiefs of Staff Mark Milley nih President Trump thei piknak tel loin,

China ralkap hotu a chawnnak cu Co-chairs of the committee investigating, January 6 Capitol riot – Representatives Bennie Thompson,

a Democrat, & Liz Cheney, Republican nih Pentagon sin ah Mark Milley le General Li Zuocheng of the People’s Liberation Army phone hmang in an i chawnnak transcript cu a dihlak in langter ding in an hal cang

Former Acting Defense Secretary Miller nih a chim ning ahcun Mark Milley sin ah China ralkap hotu voihkhat hman chon ding in ka ti bal lo tiin a chim cang.  Republicans pawl nih Mark Milley thil tuah mi, fih nung tuk mi cu ‘Court Martial’  si seh tiin an duh ning an aupi cang.  Natein, President Joe Biden nih Mark Milley hi a dirkam than i,

Press Secretary Jen Psaki, Defense Secretary Lloyd Austin & Pentagon spokesman John Kirby zong nih Mark Milley hi an support/dirkam cang.

Gen Mark Milley nih America ram cu tih nung tuk mi dirhmun ah a chia ti an thei ko buin Joe Biden nih a rian phuah a tim lo,

 

Joe Biden nih a rian in phuah a duh lonak ruang pakhat cu, Mark Milley nih Biden Administration Afghanistan Withdrawal kong ah thil sining a thei dih caah, Joe Biden nih a rian a phuah i, Mark Milley nih Afghan Withdrawal kong thil sining vialte a chim ahcun,

President Joe Biden a mualpho tuk lai caah Joe Biden nih a rian in a phuah ngam lonak hi a si. Cred-RTK

Kawlram thawngpang tha….Monywa Bank hngak Palek pakhat meithal zuun 2 he CDF-Hakha sin ah aa fon, CDM a tuah. September 19| Sagaing Ramthen Monywa khua ah Myanma Economic Bank a hngak mi Palek pakhat cu meithal zuun 2 he CDF-Hakha sin ah fon in CDM a tuah tiah kan theih.

Hi thawng hi Khit Thit Media nih a tial mi a si i The Hakha Times nih CDF lei message in biahalnak kan kuat mi hna lehnak a um rih lo.

“Hi Palek pa hi nihin September 19 ah CDF-Hakha sin ah him tein a phan cang. Meithal zuun 2 aa chuahpi,” tiah PDF-Monywa (Thanmani) phu nih an thanh.

Monywa Myanma Economic Bank hngak mi Palek cu meithal zuun 2 he CDF-Hakha sin ah him tein kan chiahthlah khawh tiah an thanh.

CNA le CSF-Thantlang nih SAC ralkap 30 renglo an thah hna. September 18 zinglei….in zaanlei 4:00 PM tiang Thantlang khua kahdohnak ah CNA le CDF-Thantlang nih SAC ralkap 30 renglo an thah hna tiah kan theih.

“Hi kahdohnak ah kanmah CNA le CDF-Thantlang lei in aa hliam mi kan um lo,” tiah September 19 ah CDF-Thantlang nih cathanh an chuah.

“SAC ralkap nih Thantlang khuachung ah khuami harnak pek, zaantlai hnu ah inn kip luut in khualtlung cazin (ehsazin) check tibantuk le mizapi himnak an hnursuan chung poh CDF-Thantlang nih nan cii mitlak in kan in doh hna lai,” tiah an cathanh an an tialchih. Cred-THT