Tu lio vawleicung ah thawngpang linsa bik mi cu Russia nih Ukraine tuk a tim mi hi a si. Russia nih Ukraine a tuk ahcun US, NATO, Australia le British nih Russia kan tuk lai tiah fiangtein an chim cang kha. US le Russia cu voihli meeting an ngei hnuah zeihman biachanak an tuah kho lo caah atu cu i tuk ding in ralring tein um ahau cang.
Russia nih Ukraine ramri ah ralkap a chia mi an tam tuk cang. Mah bantuk in Russia nih Ukraine tuk ding in lam a kawl peng caah atu cu US nih ralring tein um a her cah a ti i, Ukraine ram ah US embassy pawl hna cu Ukraine chuahtak cang i, US ramah vun kir cang u tiin a ua cang hna
US president Joe Biden, UK prime Mister Boris Johnson le NATO leader pawl hna cu virtual meeting an ngei i, Russia President Putin cu heh tiah an tlerh. Zahan ah Joe Biden nih biakhianak a tuah cang bantuk in atu cu
US Pentagon nih US ralkap hna cu 8500 standby in a chia cang hna. Mah biakhianak hi NATO Secretary-General Jens Stoltenberg, the US President, UK Prime Minister, leaders of France, Germany, Italy, Poland & European Union an ngei hnu ah a si i, 10 Downing Street spokeswoman nih achim ning ahcun, mah ram hruaitu pawl hna hi an lung a rual ngai i,
mah ram hruaitu pawl nih hin, raltuk kong lawng si lo in bia le hla/Deplomacy in zeittin ah mah atu kan buainak kong hi kan tawrel lai ti mi zong an chim tiin a chim. A chimchap mi cu, atu buainak Ukrainian Sovereigntu hi a sawhsawh i kalte an nih tim lo tiin a chim chap. US President Joe Biden nih, Russia aggression dohnak ding kong le zeitin dah ralkap hmangin Russia hi kan thuat lai ti kong zong lam a kawl cang tiin a chim. Cun NATO leader Stoltenberg nih Russia umtuk ning a that lo caah Russia nih buainak fakpi a tawn te lai tiah achim.
US Defense Department spokesman John Kirby nih a chim ning ahcun, Atu hi US nih US ralkap 8,500 hna cu ramri ah kuat ding in ready tein an um cang tiin a chim. US nih Eastern Europe ralkap akuat ding mi pawl hna hi US ralkap raltuk athiam tak tak mi an si. Mah US ralkap pawl hna hi NATO activates & NATO Response Force ah an nih tel hmasa lai. Atu hi US President Joe Biden nih meeting pawimawh tuk mi angei pi than hna lai i. Cred-RTK