Vawleicung thawngpang kan thei mi hna hi tih nung mi thawngpang lawngte si ko ruah, Kawlram thawngpang si seh, thawngpang kan thei mi pawl hna hi lung a mit ko, A hlan ah thawngpang kan rak thei tawn mi tih nung ngai mi IS pawl hna zong an vun chuak than cang hoi. Russia le Ukraine an buai chin lengmang cang. Mah lawng si lo in,
China le Taiwan i tuk ding in ready in an um hoi cang. Ka rak tial cia bantuk in US le Russia cu meeting voihli
an ngei hnuah zeihman biachanak an tuah kho lo, US nih Russia duh ning a cohlan kho lo, Russia zong nih
US duh ning a cohlan kho lo caah i tuk ding si cang ti bantuk in bia a vun chuak i, Russia Deputy Defense minister nih US hi kan tih nemmam lo tiah a chim hnuah Ukraine ah um, US ambassy ah riantuantu tampi le an chungkhar hna cu US ah kir than ding in ti an si cang. Cun, US nih hriamnam tampi hmangin Ukraine a bawmh cuamah i, Atu hi NATO ralkap pawl hna zong
Ukraine ramri ah tampi kuat an si cang. British zong nih Russia nih Ukraine a tuk ahcun Ukraine ka
bawm lai tiin ralkap a kuat ve cang hna. US le Russia duh ning a khat ti lo caah atu cu, US, President Biden nih
US troops thawng leng (thousands) hna cu Europe ah kuat ding in biakhianak a tuah ve cang. Ukraine le Russia buainak ruangah thil thalo, raltuk voihthumnak a chuak ko lai hi tiah a zum mi tampi an um cang. Atu mah bantuk in buainak a vun chuaknak ruang bik cu, Ukraine nih NATO rampakhat si ve ding in lam a kawl, Mah kongah Russia nih a duh lo i,
Ukraine ram hi NATO ram pakhat ah a tel ve sual ahcun Russia ram caah tih nung mi thil a si caah ka cohlan
kho lo tiin a chim. NATO member pawl nih Russia chim ding mi a ngei lo, Ukraine duh thimnak lawngte
a si an ti ve i, a hlei in US nih NATO ram kauter a duh lio ah Russia nih a duh lo. Cucaah mah bantuk buainak hi a vun chuak mi a si. Atu hi Ukraine mipi tampi hna cu, raltuk a chuak lai caah tiin ralkap ah tampi an lut cuamah lio a si. Mah buainak hi a zual chin lengmang lai ti a fiang cang. Cred-RTK
Kawlram thawngpang dang… Chindwin tiva ah Mongwa in a rak kai mi riahcaw a phortu ralhrang tilawng
cu mipi vengtu ralkap hna i bawm nih nizan January 23 ah Kani peng, Muhngaw le Ngawngpinwin khua karlak ah an kah hna.
Hi kahdohnak ah hin ralhrang lei in ralbawi senthum pakhat le midang 4 an thi, tiah theih a si. “Kahdohnak hi January 22 zanlei in aa thawk cang. Zaan ah i kah deuh a si caah a thi mi fiang in kan thei kho lo. January 23 zingka suimilam 11:00 hrawng i kahnak ah ralbawi senthum pakhat le midang 5 an thi, mipi ralkal nih an kah mi hna hi tilawng 9 an si,” tiah Kani-PDF in chimphuannak nawl ngeitu pakhat nih Yangon Khat Thit media ah a chim.
Cu ralhrang tilawng pawl cu Kani-PDF, MPDF, Golden Triangle Forces le M&K The Boys phu aa fonh mi nih an kah hna tiah theih a si.
= Caan Tawite Chungah NUG Bond Cu Ting 5000 mmk Man An Zuar ; San Fancisco ah NUG Prime Minister’s Cup (pumpululh) laksawng peknak an tuah i,
hi lio ah hin NUG bond zuarnak an ngei chih. US dollar 277,100 man leng an zuar khawh, tiah theih a si. American ram San Francisco khua ah January 23, zarhpini ah an tuah mi NUG prime minister’s cup pumpululh zuamnak laksawng peknak le Bond zuarnak cu Pan Sae Loe le a ṭuanpi hna nih an tawlrel tiah theih a si. Dollar 100 in dollar 5000 man tiang Bond cu an zuar i tlap 500 a dih tiang minung i tlang in thazaang an kan pek,
tiah Pan Sae Loe nih amah social media ah a langhter. Myanmar ramchung um mipi hna ca ah NUG Bond zuarnak
cu caan sining nih a pek rih lo caah ramleng um Myanmar mipi deuh lawng zuarh an si nain, ramchung um mipi cheukhat hna zong cawktermi tampi a um tiah theih a si. Cu an zuar khawh mi dollar rate cu Myanmar phaisa in ting 5000 leng man a si i. Cheukhat cu tlap hnih tlap thum tiang a caw mi an um. Phaisa chuak zat dihlak cu NUG tuanvo ngeitu sin ah thawngthanh a si cang, tiah Pan Sae Loe nih a chim. Cre-TCP