Joe Biden uar um lo ning hi cu, US mipi nih an uar lo ning bantuk in ramdang hruaitu pawl zong nih zeiah an rel lo ti thei lengmang si cang ko hi. Ukraine le Russia buainak ruangah, US President Joe Biden nih China cu Russia bawm lo ding in heh tiah a tlerh. US President nih China president Xi Jiping cu phone in a chawn, Natein China president nih thatein a chawn huam lo tiah media site tampi nih an tial.
Russia le Ukraine buainak cu a zual chin lengmang i, a thi mi an tam chin lengmang.
krainian prosecutor general’s office nih a langter ning ahcun ni 21 chung ngakchia 112 an thi cang tiin
a langter. Governor of Luhansk region nih a langter ning ahcun, tu zan ah mipi a zam duh mi pawl caah zamnak caan awn piak an si lai tiah a langter. Mipi hna cu khua chuah tak dih si seh tiah a duh ning a langter chap. West pawl nih Russia cu cawlhcang kho lo bak in tuah an duh caah heh tiah economy hmangin an thuat ve. Russia hawikom tha ram cu China a si ve caah
US president nih Xi Jiping cu Russia bawm lo ding in phone hmangin chim a duh.
Joe Biden nih Xi Jiping cu phone in a chawn i, Russia na bawm ahcun a poi tuk mi
China cungah kan tuah lai tiah a chim. China media pakhat nih a langter ning ahcun, China president nih Joe Biden cu thatein a chawn huam lo tiin a langter. China State Run Tabloid Global Time nih a langter ning ahcun, Xi le Biden nih Taiwan kong zong tlawmpal an ceih tiin a langter. Cre-RTK
=Kalaymyo thonginn chung ah a cang mi; SAC ralkap nih thongtla hna cung ah mithahnak an tuahnak kong he pehtlai in General Strike Coordination Body (GSCB) nih cathanh an chuah.
March 15, 2022 ah Sagaing ramṭhen, Kalaymyo thonginn chung ah phungning loin tlaihkhih a tong mi ramkhel lei
thongtla hna cu nawlngeitu hna nih hriam thazaang hmang in an kah hna, tinhmi ngei in hramhram thahnawnnak a si. Catialnak cafung hmanh tlaihnak nawl a ngei lo mi, hriam tlai lo thongtla hna cu zaam ding in timhtuahnak an ngeih caah kan kah hna, tiah SAC ralkap nih sullam ngei lo le ningcang lo in bialam an ser i, thongtla hna cu an thah hna. Nuhrin covo he aa kalhmi thil an tuah caah faak piin duhlonak kan langhter, tiah an cathanh ah cun an langhter. Nway Oo dohthlennak chung ah
nunnak a liam mi hna le tlaih a tong mi mipi hna cung ah a dik mi phunglam zulh a si khawh nakhnga
SAC ralkap uknak cu an hramcah tiang hnu tolh lo in kan doh lai, tiah an langhter fawn.The Chin Post
=Nihin March ni 19 kawlram pumpi kahdohnak ah Min Aung Hlaing SAC ralhrang minung 55 an thi tiah theih a si. Ni chiar ti awk in ralhrang hi a sawsawm in an thi peng. Nihin nikhat bak ah kan theih khawh tawk ralhrang thi mi cu minung 55 an si tiah PDF nih an thanh.PDF page
Relchap>>>>>Ralkap thuam he Fb ah a lang mi nu tam nawn Hakha ah SAC nih tlaih ding in an kawl
hna Ralkap thuam he Facebook cahmai ah hmanthlak a langhter mi nu cheukhat cu SAC ralhraang nih tlaih ding cazin ah an chiah hna i lampi in mi chekhlatnak an tuah tiah chekhlat a tong mi nu pakhat sin in kan theih. Atu bantuk chekhlatnak hi Chin Ramkulh, Hakha khua chung ah an tuah mi a si i, an hmanthlak print an chuah hna tiah theih a si. Hi kong he pehtlai in, “Nihin Hakha khuachung ah mi an chek ngai.
An motor chung ah Fb i ralkap thuam he hmanthlak aa post mi an hmanthlak pawl an print mi an chiah.
An hmanthlak cu pakhat hnu pakhat in an kan hmuhsak. Kanmah zong ka hawinu he an kan tlaih i, Bawipa a tha kan luat than. Kan NRC le kan hmanthlak bel an laak,” tiah tlaih a tong i a luat than mi pakhat nih a chim. Atu bantuk in hmanthlak he an kawl mi hna hi a tlawm bik ah minung 15 cu an si lai tiah theih a si. Hmanthlak: Hakha khua chung zalam cung Council ralhraang pawl hmanthlak hlun a si. #TheHakhaPost