US President Joe Biden kumkhat president a tuan cang, January ni 20 ah kumkhat Anniversary an tuah nak ah kumkhat chungah Biden Admin rian tuan mi a chim, Mipi caah thawngpang tha thei ding mi a um lo. Atu cu Democrat pawl chungah thawngpang chia tampi a um caah Democrat congressman/women le Senator pawl chungah i thei thiam lonak fakpi a um
Joe Biden nih a uapi ngai mi Build Back Better (BBB) cu House ah tlamtling tein an cohlan, Democrat pawl
an nih nuam tak tak kha, Natein mah Build Back Better hi Senate ah ceih than ding in chuahpi a si rih lo,
Aruang cu Democrat Senator Manchin nih mah bantuk bills hi ka vote lai lo, US ram nih harnak fakpi kan tawn lio ah le thil man a kai tuk lio ah mah bantuk Bills vote hi cu ka caah a si kho lo tiin a chim hnuah Senate ah Democrat pawl nih mah Bills hi an chuahpi ngam lo. Zahan ah Voting right kongah Democrat pawl nih
House ah an rak passed cang mi cu Senate ah an chuahpi i, Senate ah an cei hnuah Democrat lei pahnih nih
an cohlan lo caah Joe Biden admin pawl thil tuah mi le Democrat pawl thil tuah mi cu cohla a si lo i an
sungh cik cek than hoi. President Joe Biden kumkhat president a tuan hnuah le US ram caah chimtlak thawngpang tha a chuahpi kho lo caah Democra pawl zong nih an duh lo ngai cang. Natein Joe Biden nih, Zahan ah a chim than mi cu, kum 2024-ah US President thimnak ah vice president, Kamala Harris he an tuan ti than lai i, mah cu president a cuh than lai i,
Kamala cu Vice President caah a cuh than lai tiah a chim. Media pawl nih Vice President Kamala Harris rian
tuan ning kongah na lungtling maw tiah an hal mi cu, President Joe Biden nih, ka lungtling ngai, kum 2024 i thimnak ah Vice President Kamala Harris he rian kan tuan ti than lai tiah a chim. US Vice President Kamala Harris hi US ram nih Nu,
Vice president caah an ngei hmasa bik a si. Black le India-American ah mah bantuk dirhmun a phan kho
mi hmasa bik mi a si. Kum 2017 ah California Senator caah thim a rak si. Homeland Security and Government Affairs Committee, Select Committee on Intelligence, Committee on the Budget le Committee on the Judiaciry ah a rak um cang mi a si. Cred-RTK