A fiang chin lengmang ko, tih nung chin lengmang, suapi an buai hnuah a tu cu fiang cik cek in an pahnih nih an chim cang. Ukraine nih NATO he pehtlaihnak a duh caah heh tiah rian a tuan i, NATO he pehtlaih khawhnak ding caah lam a kawl mi cu President Putin nih a duh lo caah Ukraine sin ah NATO he pehtlaihnak
lam na kawl ahcun kan tuk lai tiah a rak ti. Natein Ukraine nih NATO sin ah tel a duh ve caah heh tiah a cawlhcang peng ve.
Mah kongah President Joe Biden nih Russian President Vladimir Putin sin ah fiang cik cek in a chim cang i,
Russia nih Ukraine na tuk ahcun laksawng tha tuk mi kan pek hna lai, na tuah ning bantuk in na cungah tuah a si ve lai, Ukraine na tuk bak in tuk ve na si lai tiah a chim cang. Joe Biden nih a chim ning ahcun, “President Putin sin ah fiang cik cek in ka chim kha, Ukraine a tuk sual ahcun a fak khawh chungin Russia hi ka hrem lai tiin. A hlan nak in fak chin deuh in Europe ah cawlhcangnak ka kalpi lai i,
NATO allies he rian kan tuan ti lai” tiin Bank’s Seafood Kitchen &Raw Bar , Wilmington reporters sin ah a chim.
Natein mah bantuk in US nih Russia caah tih nung tuk mi a chim lio ah Russia nih US caah tih nung tuk mi a chim ve than i,
Kremlin officials nih cun President Putin nih Joe Biden cu fakpi in ralringnak a pek tiin a chim than ve, West nih Russia sanctions thar in a phomh ahcun, Washington le Moscow cu a rawk cik cek ko lai. Mah thil hi tih nung bik mi thil a si lai tiin a chim. Atu hi thil sining a linsa ngai cang i,
China nih Russia he rian tuanti ding in heh tiah a tim cang fawn tikah zeibantuk thil a tlung lai ti cu mi kip nih zoh cio si cang.
Kremlin aide Yuri Ushakov chim ning ahcun “Moscow nih West ram sin in security guarantees an duh, Ukraine nih NATO he pehtlaihnak an ngei lai lo ti biakamnak he”. U.S. Air Force J-STARS spy plane pawl nih Ukraine pawngkam hrawng cu an zoh peng,
Russian First Deputy Permanent Representative to the United Nations Dmitry Polyansky nih a chim ning ahcun West pawl nih
Soviet Union hnuah Russia cu an duh ti lo caah heh tiah an kaltak cuamah cang ti bantuk in Russia nih an ruat tiin Reporters ah a chim. Putin maw Biden na zum deuh ti cu tu lio vawleicung mithiam pawl bia le hla si cang. Cred-RTK