US cu a zual chin lengmang ko, atu hi US ramchungah inflation cu 9.1 percent a si cang i, kum 1981 hnuah thil man a kai tam bik caan a phan, energy price cu 42 percent a kai. President Biden cu tour a ngei lio a si i, atu hi Saudi ram ah a um lio a si. Saudi & Israel le hna partnership thatein an ngei khawhnak ding caah heh tiah a zuam lio a si i, Saudi nih two-state solution Israel & Palestinian a um hnu lawng ah a si lai tiah Joe Biden an leh i, Joe Biden caah thei nuam lo ngaimi a si. “Saudi Arabia nih Israel Arab Peace Initiative kan cohlan, mah bantuk a um khawhnak ding caah Israel le Palestinian hna cu rem tein an um
hmasak ding a si tiin an chim. Biden nih Saudi King Salman & Crown Prince Mohammed bin Salman
zong thatein a hmuh hna, natein thawngpang tha lei thei dingmi a um rih lo. Cre-RTK
Kawlram thawngpang…Shan – Karenni ramkulh a pehnak hmun phekone um SAC ralkap sakhan cu kan kah i SAC ralkap 11 leng an thi tiah Central Special Operations nih nihin July 15 ah an thanh. Kahdohnak cu nizan July 14 Pingne Kone le Makhekhan khua hna ah umhmun a khuarmi SAC ralkap sakhan cu Central Special Operation, PheKone PDF Battalion 2, InnLay PDf le Naypyidaw PDF hna i bawm in an
kahdoh mi hna a si. Mizapi vengtu ralkp phufonh hna nih pehtlaih nak thilri an chiahnak hmun
le eidin an chiah nak hna cu RPG in an kah i cu kahdohnak ah cun SAC ralkap 11 leng
an thi tiah an langhter. SAC ralkap nih hriamngan hmang in an kan kah ve ko nain hliamtuar mi um lo tein hnu kan tolh kho tiah an langhter. July 13 zongah PheKone nichuah lei um Sang Naan Khe le Taung Puh Kuai khua karlak ah SAC ralkap sakhan cu Phekone PDF battalion 2 nih Suimilam pakhat chung hrawng an kah i SAC ralkap 5 an thi tiah an langhter.
==Magwe ramțhen, Gangaw peng nitlaklei ah SAC ralkap le mizapi vengtu ralkap karlak kahdohnak a
chuak i mizapi vengtu ralkap pahnih an nunnak a liam tiah YDF nih cathanh an chuah.
July 14 zinglei ah SAC ralkap nih Gangaw nitlaklei ah thazaang 60 , mawtaw 2 in ral lam an sial i Tilak le TaungPin khua lampial karlak ah YDF he an i kap. Cu kahdohnak cu YDF Battalion 5, tat- khuai – 1 in mipi ralkap pakhat bomb a luahnak ah a chuahsual i an nunnak a liam. Battalion 5 tat khuai 5 in ralkap pakhat hriamnam a lak lio ah SAC ralkap hna nih an tlaih i an thah tiah YDF nih cathanh chung ah an langhter.
YDF in a nunnak aliam mi kan ralkap pahnih i tantak mi chungkhar nan ngeihchiatnak
kan i hrawm hna, Kan ralkap hna nih ram le miphun caah nan nunnak nan pekchanh mi
cungah upatnak sangbik kan in pek hna.Nan hnu ah nan hawi le YDF nih pehzulh in dothlennak cu kan tei hlan lo an rak țuan lai tiah biakamnak kan tuah tuah an langhter. Zinglei ah Agyi Warbin khua chungah rallam sial ding in timhtuahnak a ngeimi SAC ralkap cu YDF (Shwe Som Nyo) ralkap hna nih sniper in an kah i SAC ralkap pakhat a thi.
==Sagaing ramțhen Kata peng Ayayawady tiva ah nga a tlai mi pa cu security a la mi SAC ralkap nih July
15 zaan Sml 10:00 hrawng ah an kah thah tiah tualchung mi sin in theih a si. ” Zaan Sml 10:00 hrawng ah a si. Meithal thawng voi 20 tluk kan theih, a leng tu cu kan chuak ngam lo,” tiah tualchung mi pakhat nih a chim. Tualchung mi an chim ning ahcun pa pakhat SAC ralkap nih an hmuh i tiva kam lei rat ding in an auh lio ah a tilawng in a zaam i an kahthah hi a si tiah theih a si. An kahthah mi pa cu kum 30 tluk a si mi Ko Zin Zaw Htet a si i Kata No. 3 sang ah-mah-kah 3 sianginn pawng ah a um mi a si. A nupi le a fapa te a kal tak hna tiah theih a si. Cre-TCP