Tu lio thawngpang cu mah hi a dik mi le a hman mi a si ti cu fiang tein thei a har ngai, US mainstream Media pawl nih an tial ning a khat cio lo caah carel tu zong nih mah ka tial mi hi arel zia nan thiam lai tiah zaangfah kan hal hna. Mah ka vun tial mi source hi US ah media a ngan ngai mi pakhat Newsmax nih a tial mi a si ti kha ka vun theiter hmasa hna
President Joe Biden nih Ukraine president cu phone in a chawn i, Na lungreithei hla seh, Russia nih
Ukraine a tuk ah cun Russia hi a fak khawh chung in ka thuat lai tiah Joe Biden nih Ukraine president sin ah a chim than
Joe Biden nih a chim ning ahcun, US nih Ukraine a dirpi peng lai tiin a chim chap i. Russia nih Ukraine a tuk tak tak ahcun US le a hawikom ram pawl nih Russia cu fakpi in kan tuk lai, i cawlhcang kho lo bak in kan tuah lai tiin US President Joe Biden nih Ukraine President phone in a chawnnak ah lungreithei lo ding in le hna ngam tein um ding in a chim Ukraine President le Joe Biden hi suimilam pakhat le a cheu
hrawn phone hmangin tu lio thil siningkong an chim i, Russia le Ukraine cu tu lio thil sining kongah
rian tuan ti ding in le pakhat le pakhat i bawmh tih ding in biaceinak an ngei. Cre-Newsmax
Kawlram thawngpang….Chin ramkulh, Thantlang khuachung ah a um mi ralhrang phu khah-lah-yiah 269 tat-yin-hmu, duh-bu-hmu-gyi Myo Zin Tun cu nizan February 13 ah, bomb lamhsualnak in a ke khatlei a bul, tiah CHRO sin in theih a si. Chin mizapi vengtu ralkap kalnak lam ah Thantlang khuachung um mi ralhrang hna nih bomb an hmanh i, anmah tu nih an i lamhsual in hliamhma a tuar, tiah theih a si.
Tat-yin-hmu nih bomb aa lamhsual hnu ah ralhrang phu hna nih Thantlang khuachung inn hna cu an
khangh ṭhan i, atutan he cun a voi 25 nak an khangh a si cang, tiah CHRO nih an langhter.
Chin ramkulh, Thantlang khuachung ah umhmun a khuar mi ralhrang hna nih khuachung mizapi kaltak mi inn hna cu baoh in thilri an fir, mipi inn cu mei khangh in an hrawh. Chin mizapi vengtu ralkap phu hna le SAC ralhrang phu karlak ah atu le tu ti awk in kahdohnak a chuak. SAC ralhrang nih Thantlang
khuachung mizapi inn an khanghpiak mi hna hi a zatceu leng an si cang, tiah theih a si.
Yangon Aungmingalar High Class Cargate Dawr Ah Parcel Bawm In Puahkehnak A Chuak!: Yangon ramṭhen, north Okkalapa peng Aungmingalar, High Class Cargate ah nihin February 14, zinglei 10:30 hrawng ah parcel bawm in puahkehnak a chuak i, hi puahkehnak ruangah hin hliamhma a tuar mi zong a um.
Parcel bawm hi Mogok in Aungsankwin ah kuat ding an si, tiah khuachung um mi nih an chim.
“Puahkehnak a chuah in suimilam cheu hrawng a rauh hnu ah cuka hmun ah cun ralhrang phu hna an phan i, lampi zong suimilam 1:00 hrawng phit in chekhlatnak an tuah. Aungmingalar cargate ah puahkehnak a chuak tawn ko nain tutan cu a faak ngai,” tiah cuka hmun ah um mi pakhat nih a chim. Cre-TCP