US politic thawngpang thei lo ahcun vawleicung thawngpang a kim lo an ti bantuk in le US hi supower ram a si bantuk in an president pawl kong hi ni fatin an media pawl nih an tial peng caah US thawngpang hi rel a nuam bik mi le thei a nuam bik mi a si ko. Joe Biden zong Russia he an buainak kongah UN Security Meeting a auter hna,
natein a duh ning bantuk in US Security Council ah thawngpang tha thei ding mi a um lo, Russia cu China nih
a dirkam caah le ramdang pawl nih vote an thlaknak ah absent mi pawl an um pa caah US zong a hmaichai ngai
Joe Biden president atuannak kumkhat a si cang, US mipi nih an duh lo chin lengmang, US president rating approval hi thla fatin US media pawl nih an tuah peng. Mah hi a biapi tuk mi a si, An rian tuan ning kha US mipi nih tha an ti maw ti lo thei khawhnak a si caah Joe Biden approval rating a chia tak tak, 17 percent lawng nih Joe Biden rian tuanning kongah kan cohlan i kan duh
(Strongly approved) tiah an langter, Mah hi Nithum ni ah Morning Consult/Politico Poll nih an langter mi a si.
Overall in American mipi, Joe Biden arian tuan ning a tha ko (Strongly approved le somewhat) tiah a ti
mi hna cu 46 percent an si i, 54 percent nih a rian tuan ning kan zoh tikah US president tha cu a si lo tiah an ti. Joe Biden president a tuan hnuah US a hruai ning cu a dik ko tiah minung 35 percent nih an ti lio ah 65 percent nih, US sining hi a dik ti lo /nation was on the wrong track ah kan um cang an ti. Cre-Newsmax
Kawlram thawngpang….Chin ralkulh, Mindat khua chuah i a um mi Golf Ground ah a luancia 2021, May thla chung
kahdohnak ah ralhrang a thi mi min cazin a chuak, tiah theih a si. Ralhrang nih a thli thup in an chuah mi, mithi min cazin chung ah Officer pakhat, Sergeant pahnih le ralhrang member 8 an thi, tiah theih a si. Hliamhma a pu mi cazin ah Officer 4 le ralhrang member 32 hliamhma an um, tiah an ṭial. “Atu a chuak mi min cazin hi ralram ah a thi mi zat he
aa thlau tuk. Ralram ah hinak tam deuh an thi. An motor paruk mei in kan khanghpiak hna i ralhrang 50 nak
tlawm lo an thi,” tiah kahdohnak ah a rak i tel mi Mindat-CDF pakhat nih a chim. May thla chung
kahdohnak hi CDF-Mindat nih a voikhatnak kahdohnak an rak ton a si i, lai meithal in ralhrang cu an rak kah hna, tiah theih a si. =Sagaing Peng Ah Ralhrang Minung Pahnih Fimtawl An Si; Sagaing peng, Nyaungpinshi khua ah a um mi ralhrang rianṭuanpi Pyo-Saw-Tti hruaitu Zaw Win cu People’s Army to Fight Dictatorship(PAFD)
nih nihin February 3 zingka ah Tharzin khua le Aidaamah (အိုင်းဓမ္မ) khua karlak ah meithal in voithum an kah i,
kah a tonnak hmun ah a thi colh, tiah theih a si. Pyo-Saw-Tti hruaitu Zaw Win cu ralhrang sin thawngpetu lawng siloin Pyo-Saw-Tti phu minung an karh khawh nakhnga mipi lemtu a si caah PAFD phu nih kan fimtawl, tiah cathanh an chuah. Cu bantuk in Ayeyarwaddy ramṭhen, Kyaiklatt peng, Nyaungpinsuh khua
ah a um mi ralhrang sin thawngpetu; United Democratic Party (UDP) member hlun U Hla Taung cu nizan
February 2, zaan suimilam 7:10 hrawng ah Ayeyarwaddy Dolfin phu le Ayeyar Lotus phu nih an fimtawl, tiah theih a si. UDP member hlun U Hla Taung nih khuachung mino cheukhat hna cu PDF an si, tiah ralhrang sin ah thawng a pek hna i mino pawl cu an velh hna hnu ah an tlaih tawn hna caah kan fimtawl, tiah Ayeyar Lotus phu nih cathanh an chuah.Cre-TCP