Joe Biden president a tuan cu US caah mangchia bak si ko

Joe Biden nih presidential candidate lio ah heh tiah a rak chim tawn kha. Covid hi thlathum chungah ka tei lai tiin, Natein President a vun tuan bak, nithum hnuah Covid hi fawitein tei khawh ding mi a si lo, Covid tei ding in kum tampi kan her tiin a chim than kha. Chinpage ah fiangtein ka rak tial cang kha

Atu cu US economic dirhmun fiangtein thei a si cang. Covid-19 pandemic ruangah American economy July to September cu 2% lawng in a than.

Kum 2020 Recession hnuah gross domestic product (GDP) than ning a nuar bik caan a phan, Global supply chain lei ah harnak fakpi a tlung lio si fawn.

Natein China cu zumnak leng in an economy a than ngai fawn tikah expert pawl tampi cu lungreithei in an um cang. US Commerce Department report nih a langter ning ahcun quarter 2 ah khan 6%- plus annual growth rates a si lio ah, July- September cu a niam tuk fawn tikah US economist pawl an lungreithei ngai.

Natein Covid vaccine thatein kalpi a si caah Economist pawl nih tlawmpal ruachannak an ngei than i, GDP hi 6% tian a phan khawh lai tiah zumnak an ngei.

Natein mah bantuk in a than khawh lai maw ti cu fiangtein an chim ngam lo, Airlines pawl zong an buai ngai tiah report nih a langter.

America mipi nih oil le thil dang an her ning a kar chin lengmang cang i,  Federal Reserve nih economic recovery a thawng lo tuk caah a tu hi ’emergency aid’ bawmhnak an tuah than cang. Rian ngei lo mi an tam chin lengmang i, Cozah sin ah pandemic-era low 281,000, tiang aphan cang, Atu hi 289,000 tiang an phan lai tiah zum a si.

Paul Ashworth, chief U.S. economist Capital Economics, nih a chim ning ahcun, July hrawngah harnak fakpi an tawn caah tiin a chim.

Atu hi US ram ah tangka a tam tuk caah President Joe Biden´s approval ratings zong a hniam chin lengmang (tangka a tam tuk ahcun thil man a fak i, inflation a um tawn), economists, Fed Chair Jerome Powell nih a chim than ning ahcun inflation a um ruangah

American economy thannak ah buainak a um lo tiin a chim. President Joe Biden nih US ram caah tuanchuah lei ah zeihman a tuah kho lo i,

a hmang lei ah tu heh tiah lam a kawl caah 160 Republican lawmakers nih President Joe Biden sin ah supply Chain a rawk tuk cang mi ser than ding in heh tiah pressure an tuah lio a si. Cre-RTK