President Joe Biden tangah US cu a buai chin lengmang ko, Phunglam loin US ram chungah a lut mi an tam ning cu khuaruahhar bak si cang ko. 30 September 2021 tiang phunglam loin US ramchungah a lut mi hna cu 1.7millions an phan cang.
Atu hi rian tuan ding mi a tlawm ching lengmang caah mi tampi rian a ngei lo mi an um cang.
Mah bantuk in US citizen a si mi hman nih rian tuan ding mi an ngei lo lio ah phunglam loin US ram chungah arah mi an tam chin
lengmang tikah a hlei in Republican pawl an lungreithei tak tak cang. September ni 30 ah US cozah 2020 fiscal Year a dawngnak a si. US – Mexico in phunglam loin June thla thawk in US ram chungah a lut mi kha minung 200,000 an buaipi hna. Fiscal Year September Ni 30 a vun phan cu US ram chungah phunglam loin
a lut mi minung 1.7 millions leng an si cang. Minung 1.7 millions nak in an tam deuh cang lai tiah zum a si
2000 kum ah US ram chungah phunglam loin a lut mi hna kha 1.6 million an si, Natein, atu kum 2021 ahcun minung 1.7 millions an lut cang i,
Kum 1924 thawk in US ram chungah phunglam loin mi tampi an lut cang i, US Border Patrol zong ceilak in an buai. Texas border town of Del Rio ah Haitian migrants 15,000 camp ah thil zeimawh a um ruangah an rak buai ngai. September ah 17,966 Hiatians tampi an lut.
August ah mi 7,757 leng phunglam loin a lut mi lakah Mexicans, Hondurans & Guatemalans an si. Cre-RTK
Laitlang thawngpang…..Rialti khua pawng ah ruak hmuh mi hi CNF/A a luut i Bo khat kan pek mi a si: Salai Htet Ni. Nizaan October 23, Falam Peng, Rialti khua ah ruak pakhat an hmuh mi cu CDM a tuah i CNF/A a luut mi Siibawi cawng lio Naing Htoo Lwin (kum 20 hrawng) Kawl Ralkap nih an kahthah mi a si, tiah kan theih.
“Amah hi Magway khua in CDM a tuah mi Siibawi final year a cawng lio mi Naing Htoo Lwin a si. Bo khat rank kan pek mi a si.
Falam Peng kahdohnak ah aa hliam mi an um sual ah tiin thlopbultu ding ah a kal. A hawile an rak kir tik ah anih aa tel lo. Phone kan chawnh i voi 1 cu a tlaih nain a hnu ahcun phone a tlai ti lo. Kawl ralkap nih an thah mi a si ko lai,” tiah CNF Chimnak Nawlngeitu Salai Htet Ni nih The Hakha Times ah a chim. Cre-RTK
Be the first to comment on "Joe Biden President a vun tuan bak cu, US khuaci a mui tak tak ko"