Joe Biden President a vun tuan bak in US khirfa missionaries an him ti lo

Trump president a si lio ah zeitluk in dah Khrifa pawl a dirpi ning ti kan thei dih cang ko kha. Natein a tu cu thil zeipoah a thleng dih cang. US missionaries rian tuantu tampi cu tlaih an si i, an nunnak caah a him ti lo tiah report nih a langter.

Zei bantuk in president Joe Biden nih rian a tuan lai ti zoh si cang. Haitian official pawl nih The Associated Presssin ah an chim ning ahcun,

400 Mawozo Gang pawl nih a luancia zarh, Zarhte ni ah US Christian Missionaries 17 an tlaih/kidnapped mi khamh ding ahcun a har tuk cang tiin an langter.

October 16 ah US Christian Missionaries minung 17 tlaih an si hnuah Hiatian Officials min langter lo mi le Christian Aid Ministries hna cu an nih chawn, natein mah an tlaih mi/Missionaries pawl luatnak ding caah lam aa har ngai tiin an chim.

Minung pakhat ah US 1 millions an hal hna. Mah hnu lawng ah an tlaih mi Missionaries pawl hna hi chuah an si lai tiah an chim.

Natein minung pakhat ah $1 Millions misual kut ah pek ding mi cu a har tuk mi thil a si tiah zum a si. A ruang cu $1 millions an pek hna ahcun,

midang zong kha an tlaih than lai i, tangka demand an tuah than lai ti kha a fiang ko cang caah 400 Mawozo Gang pawl nih Missionaries an an tlaih mi lakah 16 hna hi Americans an si i, 1 cu Canadians a si, mah lawng si loin, ngakchia tlaih mi zong an ngei i, US cozah nih thil sining hlethlainak tuah ding in Hiati khualipi Port-au-Prince lei ah FBI agents & Department of State diplomats an kuat cang hna.

Haiti Justice Minister Liszt Quitel nih the Wall Street Journal newspaper sin ah a chim ning ahcun FBI & Haitian police le Kidnapper 400 Mawozo Gangte hna cu an nih chawn cang tiin a chim.

Natein Missionaries pawl hi zeitin khamh an si lai ti kong zeihman an ceih ti lo ti thei a si tiin a langter. Cre-RTK

Laitlang lei ah thawngchia ngai mi… Hakha Thar ah Minung 19 tlaih an tong; Tangka nuai 4 MMKs fai an fir, inn pakhat an kah. Falam lei in nizan a rak phan mi SAC ralhrang hna nih Hakha Thar ah a ummi khua mi minung 19 nizan (October 20) ah an tlaih hna i cu an tlaih mi cung ah

kum saupi zawtnak a tuar cang mi telh in nu 6 le ngakchia kum 4 pa zong aa tel tiah kan theih. “Ralhrang SAC nih Hakha Thar um

Pu Ral Lan innkar le Special Intelligence Bureau (sah-tung-lung) zung karlak ah bomb kan hmuh tiah an ruang an i pekter i

Pu Ral Lan telh in a nupi, a far le a fale dihlak minung pariat le inn pa inn (3) in minung pariat an tlaih hna. Cun sah-tung-lung zung a sa lio mi minung pathum zong an tlaih hna. Cu an tlaih mi hna chung ah kum tampi zawtnak ‘thi lay-phet-na’ a tuar mi kum 20 fai nu pakhat aa tel. Ngakachia kum 4 pakhat aa tel pin ah

Pu Ral Lan telh in Covid in a zaw mi a chungkhar minung 5 zong an i tel,” tiah Hakha Thar ummi nih TCP sin ah a chim. An tlaih mi chung ah kum 4 ngakchia pa cu an thlah colh.

Pa dihlak cu Rungtlang ah an kai pi hna i nu paohpaoh cu palek leeng ah an hren hna. Covid a zaw mi chung in pahnih cu an zual pah pin ah Oxygen Level zong a tla mi an si tiah kan theih.

Cu pin ah tlaih a tong mi inndawng pakhat chung in tangka sing 40 renglo, suithi le sui tumbul zong an lakpiak hna. Tuzing (October 21) zong ah Hakha Thar cerhtual pawng ah a ummi inn pakhat cu nizan kan motor hmantlaknak inn a si tiin SAC ralhrang hna nih meithal in an kah i inn tlawmpal te a pem.

Minung cu a hliamh hna lo tiah kan theih. October thla thok in nihin tiang ah Hakha khuachung lawng in tlaih mi minung 50 renglo an si cang i tam deuh cu an thlah than hna tiah CHRO sin in kan theih.