Tu lio US ram buaining cu theih dih si cang ko i, mah Chinpage hi US thawngpang kong ka tial tawnnak a si caah mah Chinpage a rel tawn tu nih cun thil sining nan theih dih cang ko lai. American tam deuh nih President Joe Biden cu American mipi a then cheutu na si an ti cang. Convention of the State/Trafalgar
Group nih survey an tuah mi cu cawnnihnih ni ah an langter mi ah heh tiah Joe Biden an mawhchiat cang
Joe Biden president a vun tuan hnuah Afghan withdrawal a tuah mi ah a min chiat tak tak, US cu a sungh pi hna i, tuanbia thalo a tial pi hna, Afghan withdrawal ah American 14 an rak thi kha.
Cun atu hi southern border ah phunglam loin US ram chungah a lut mi an tam tuk i, US ram cu khuaci a muai bak ko, mah lawng si lo, mah bantuk in US ram chungah a lut mi hna sin ah dollar tampi pek a tim fawn, Mah phunglam loin US ram chungah a lut mi hna hi Covid test zong an tuah fawn lo i,
American mipi hna sin ah Covid sii i chun u tiah heh tiah a forh hna tikah a thil tuah ning hi a hlei in Republican pawl le independent pawl nih an duh lo ngai
Mah lawng si lo in, US ram chungah thil man a kai ning cu khuaruahhar bak a si cang. Atu hi US ram chunga supply chain ruangah dawr tampi cu thil zuar ding mi an ngeih ti lo,
mah lawng si lo, mi tampi nih insurance an tuah kho ti lo, Motor an remh ter khawh ti lo, Motor thar an cawk kho ti lo tikah US mipi tam deuh cu Joe Biden cungah an thinhun tuk cang. Mah Survey an tuah mi ah an bia hal mi cu “American a then cheu tu hi President Biden asi ti nan zum maw/nan cohlan maw? ti a si.
Survey ah 54.2% nih President Joe Biden hi American a kan cheu tu a si ti kan zum tiin an langter. Cun, 45.8 nih kan zum lo tiin an langter.
An mah Democrats chung in 78.7 percent nih Biden ruangah a si ti kan zum lo tiin an langter i, Republicans 88% nih Joe Biden hi US a kan then cheu tu a si tiin an langter i, cun, independents, 64.1 percent nih Joe Biden ruangah American mipi hi then cheu in kan um tiin an langter
Mah survey hi November 13 – 16, 2021 ah an tuah mi a si. Biden nih a rak campaign lio ah a rak chim tawn mi
le President inauguration lio ah a chim mi, American mipi hi lungkhat, lungrual tein kan um khawhnak ding caah rian ka tuan lai tiah heh tiah a chim hnu thlahra ah American hna cu fonhtonnak an ngeih khawh hlei lo i American tam deuh nih Joe Biden cu American then cheutu a si tiin an mawhchiat cang. Credit-Breitbart