Russia nih Ukraine a tukmi cu ni 108 hrawng si cang. Russia nih a chim ning ahcun, kan nih timhmi tlam a tling hlan cu kan ngawl lai lo tiin fiang cik cek in a chim cang. US president, Joe Biden nih fundraising reception Los Angeles an ngeinak ah a chimmi cu, ‘Ukraine’s president Volodymyr Zelenski sin ah Russia nih tuah a timhmi le cawlhcang a timhmi vialte fiang cik cek in kan chim hnua zong ah a ngai duh lo i,
US nih kan chimmi usa a pek duh lo, Russia nih a tuah ding mi hi a tuah lai ti fiangtein kan thei,
World War II hnuah mah bantuk hi a tlung bal lo, Putin nih Ukraine ralkap pawl nih
Ukraine rami lei an kal tiah kan chimmi cu Ukraine President nih a ngai duh lo tiin Joe Biden nih a chim. West pawl nih Ukraine support cu thatein an dirkam, British ralkap bawi hlun nih Gen Lord Richards nih a chim ning ahcun, “Saupi i doh a ngah lo’ tiin a chim. The Daily Telegraph, ah raltuknak caan a sau poah West pawl strategy fiangtein kan thei te lai tiah a chim. Zelinsky nih Friday ah Battle for Donbas ah awm hmun dang zong ah Ukraine nih teinak kan hmuh lai tiah a cim vak in,
Russia nih Sievierodonetsk an lak dih cang”. Russia nih Black Sea Azov Sea cu an block ruangah
vawleicung ah rawl eiding a ngeilo mi an tam tuk lai caah mangtam a tlung lai tiah report nih a langter. Cred-RTK
Kawlram thawngpang…Hakha Ah Mai Van Lawm Par SAC Ralkap Nih An Tlaih. Chin ramkulh, Hakha ah nihin June 11 zing sml 11:00 hrawng ah Hakha in Gawgaw lei kalnak chek gate ah Hakha Mann motor cu SAC ralkap nih an chek. Thantlang peng Dawn khuami Van Lawm Par a phone ah uniform he aa thlakmi hmanthlak an hmuh caah, CDF he pehtlaihnak na ngei an ti i an tlaih, tiah ralkap kuttang thawng ṭialtu
FiftyTwo News nih a langhter. Hi kong hi The Chin Post nih hlathlainak
kan tuah tikah Van Lawm Par cu Thantlang peng Dawn khuami a si ko, tiah kan fehter.
==Tuluk He Chawlehthalnak US Dollar 1 Billion Bakin A Tla. Nawlngeihnak lak hnu ah SAC nih a hmasabik ah budget a tuahmi cu US dollar 1 billion bak in a tla/a sung tiah ISP-Myanmar nih a langhter. Tuluk he chawlehthalnak (Trade) tuahmi cu US dollar 4.2 billions nak tam a si i, nikum thil sining he cuaithlai/tahchunh ahcun US dollar 1.3 billions bakin a tum, a tla.
Mini budget chungah Asia ramchung hna he chawlehthalnak ah US dollar 6.8 billions leng a phan.
Thailand he chawlehthalnak tuahmi lawngah US dollar 3 billions dengmang a um i,
chawlehthalnak ah hmanmi budget ahcun a tambik zong a si. Nikum he thil sining cuaithlai/ tahchunh ahcun US dollar 520 millions a kai tiah ISP- Myanmar nih a langhter. QUAD he chawlehthalnak ah US dollar 2 billions nak tam hman a si i, EU he chawlehthalnak ah US dollar 1.7 billions leng hman a si. Mini budget caan chungah ramdang ah kuatmi asiloah zuarmi thilri ah US dollar 8.3 billions dengmang a um
pinah ramdang in Kawlram chungah luhtermi ah US dollar 8 billions tluk a phan tiah theih a si.
A liamcia kum he tahchunh ahcun chawlehthalnak (Trade) hi US dollar 160 millions lengin a tum, a tla tiin ISP- Myanmar nih a langhter.
==Wetlet Peng, Kahdohnk Ah SAC Ralkap Bawi Tel In 20 Leng An Thi. Sagaing ramtthen, ShweBo pengkomh, Wetlet peng ah SAC ralkap le mizapi vengtu ralkap phu karlak kahdohnak a chuak i SAC ralkap bawi tel in 20 leng an thi tiah mizapi vengtu ralkap Chindwin Attack Force nih cathanh an chuah. June 1 le June 2 hna ah Sagaing ramthen, WetLet peng , KyaukTine khua ah inn 100 hrawng, MinThey
Khua ah inn 127 meiduah in a hrawktu SAC ralkap hna le mizapi vengtu ralkap karlak ah kahdohnak a chuak.
Hriamngan kahnak ruang ah SAC ralkap bawi pakhat tel in 20 leng an thi tiah Monywa pengkomh mizapi vengtu ralkap hna nih cathanh chung ah an langhter. Cu kahdohnak cu Monywa pengkomh mizapi vengtu ralkap Chindwin Attck Force Battalion 3 tatkhuai Galon Nat PDF le Lay Pui Mon Tine PDF , Ma Huu Yar Wild Horse PDF, Taman Kyua PDF, True Arrow LPDF, Mahar Myik ralkap phu hna i bawm in an kah hna. SAC ralkap nih KyaukTine mizapi 4 zong an kahthah hna tiah khuami hna nih an chim. Cre-TCP