Voih tampi ka rak tial tawn bantuk in ka vun ttial than ta lai, Democracy ram ah cun president zong nih a duh poah in thil a tuah kho lo, aruang cu phunglam a tlaihtu bik hi Supreme Court a si i, US phunglam ning tein President nih rian a tuan maw ti kha an zoh peng ve caah US phunglam lo ning in president nih amah nawlngeinak a hmang sual ah cun Court ah taza cuai a si lengmang i,
court nih US phunghrampi zoh buin biakhiahnak a tuah tawn i, Court ah a tam deuh duh ning bantuk in
biakhianak tuah a si tawn, US president Joe Biden thinun tuk a celh ve lo i, heh tiah ka cawlh cang lai tiah a vun chim than cang.
US supreme court nih Joe Biden nawlchuahmi an thah piak mi kongah Republican an nih lawm i Democrat pawl an thinhun ngai. US supreme Court ah hin Conservative paruk/Republican president nih an rak thim mi hna an um i, Democrat lei pathum an um ve. Atu biakhianak an tuah mi kongah US supreme Court judges
paruk nih an Biden thil tuah ning a dik lo an ti i, Pathum nih Joe Biden an dirkam President Joe Biden nih
US ramchungah Covid i chunh dih i, a chun lo mi pawl cu hrem nan si lai tiah fakpi in biakhianak a rak tuah i,
atu hi mitampi an rian in phuah an si cang, Mah bantuk in mandate/ Covid sii kongah biakhianak a tuah mi kongah Joe Biden thil tuah ning cu US supreme Court ah taza cuai a si i supreme Court nih mah kong hi an ceih hnuah Joe Biden nih mah bantuk in US freedom/zalonnak zei ah a rel lo tiah nawl a chuah mi cu an tha piak mi a si. Cred-Newsmax
Laitlang thawngpang dang..TRRC nih Thantlang ralzaam hna ca ah motor pathum phor thil an kuat than hna.
Thantlang Relief & Reconstruction Committee (TRRC) nih Thantlang peng ralzaam hna sin ah a voi hnihnak thilpuan hrukaih,
blanket puan , belkheng an kuat khawh than hna tiah kan theih. “Tutan TRRC nih kan phawt mi thilpuan hruk aih le puan lum, khengbel hi motor pathum phur a si. Zahnak tlang, Khualhring tlang, Bual, Vailam tlang, Vanzang tlang ti in kan kuat. Motor Pathum nih a phurh mi hi a phaisa in a tlawmlei Kyats Sing 300 lengkai man a si.
2021 December thla thawk ah motor 3 phur a voi khatnak ah kan rak kuat cang. Atu hi a voi 2 nak kan kuat si,”
Tiah TRRC Asst. Secretary – 1 le Thantlang Sipin Committee Chairman a si mi Pu Ramkhar nih FB cahmai ah a langhter. Tutan TRRC nih ralzam hna sin ah an kuat mi thilri pawl cu Korea in Pastor Phat Sung (Cung Bawi) le a hawile, Mandalay in Rev. Simon Thawng Hmung le Kawl lei in kan hawi le dang hna le Hakha Red Cross hna nih thenhpek mi lawngte an si, ti zong lunglawmhnak ca he a langhter. Cre-THP