US president caah cun a tlak bak ti lo ti a fiang tuk cang, Kan pu. Joe Biden cu voihthum bak US president a si ti mi a philh ko. Vice President Kamala Harris cu US president a si tiin voihthum a chim sualnak si cang. Clark Atlanta University siangngakchia pawl hmaiah ah biachimnak a ngei i, mah bia a chim lio ah January ni 6 ah thil a cang mi kong he pehtlaih in a chim mi cu
President Harris le Keimah tiin a chim sual, atu hi voihthum a chim sualnak si cang i, Democrat pawl caah
cun vawlei zoh ngam ding hman si ti lo. December thla ah South Carolina University ah bia chimnak a rak ngei lio ah
US Vice President Kamala Harris cu President tiin a rak au hoi cang i, siangngakchia nih heh tiah an nihsawh cang kha. Atu hi Joe Biden approval rating cu a niam tuk cang i, US mipi nih Covid kong he pehtlaih in a rian tuan ning a that lo ning an vun thei fiang chin lengmang tikah an duh lo chin lengmang i, Cun US Economy he pehtlaih in zeihman
rian tha a tuan kho mi a um lo tikah Covid le Economy ah tuanbia chia bik a tial lai tiah zum a si cang.
Zahan ah US supreme Court nih President Joe Biden nih Covid Vaccine kongah nawl a chuah mi cu
US supreme Court nih a thah piak hoi cang i, US ramchungah Business nganmi ah rian tuantu pawl an dihlak in Covid la si seh tiah a nawl a rak chuah mi cu US supreme Judges paruk bak nih an cohlan piak lo i, pathum nih an dirkam caah
Joe Biden nih nawl a chuah mi cu a thah piak than hoi. Covid kong he pehtlaih in voihnga leng
Appeal Court le Federal le US supreme Court nih an rak thah piak cang tinak a si. Mah bantuk in US supreme court nih President Joe Biden nawl chuah mi a thah piak than caah Joe Biden cu ceilak in a zai i, heh tiah ka cawlhcang than lai tiin US supreme Court nih biakhianak a tuah mi cu a soisel. Cred-RTK