Myanmar ram chungah coronavirus a ngei mi an tam chin lengmang cang i, March 27 ah Coronavirus test an tuah mi minung 62 lakah minung 3 cu Coronavirus an ngei tiah fiangternak tuah a si. Atu hi minung 8 an si cang.
Pakhat hi Yangon Region. Insein Township ah um mi a si, Kum 29 mino a si. Ramdang khual a tlawnnak in a rak kir hnuah mah zawtnak hi a ngeih tiah hmuh a si. Amah hi Barbados, England. Thailand ah khual tlawn in a kal mi a si. March 21 ah Myanmar chungah a rak kir mi a si. March 26 ah Wibargi Special siizung ah zohkhen a si. March ni 26 ah Covid -19 a ngei maw ngei lo ti test tuah a si hnu March 27 ah mawh zawtnak hi a ngei tiah fetternak tuah a si
Cun Pakhat cu Yangon Bahan Township ah um mi nu kum 60 mi a si. Amah hi ramdang ah khual a tlawn ti theih a si lo. A rian ttuannak cu ramdang in a ra mi pawl (Tourist guide (Ramdang in kawl ram chungah a ra mi bawmtu) a si. March ni 25 ah an inn ah luak tampi a luak i, March 26 ah Yangon Civil Hospital ah a ra i, a cuap lei ah coronavirus nih fakpi in rian a rak ttuan cang caah sizungah an chia i, cun ni 27 result ah coronavirus zawtnak angei ti fiangterhnak tuah a si
Pathumnak hi Naypidaw ah kum 58 ah a si i. Kum 58, switzerland nu a si. March 17 ah khan Switzerland in Geneva khualipi in Thailand ram Bangkok kualipi ah a ra. March ah Naypidaw airport ah a rak tum. Hotel ah quarantine in chia a si i. Mah bantuk in quarantine in chia a si lio ah March 22 ah a khua a sik. Cuap lei ah le ek lei ah harnak a ngeih caah March 26 ah Naypidaw bed 1000 umnak General Hospital ah zohkhen a si i. March 27 ah Coronavirus a ngeih ti fiangterhnak tuah a si. Mah nu hi apa he March 13 ah Switzerland ah suimilam 2 an nih hmuh i, apa hi coronavirus a ngeih mi a si.Credit: Myanmar Health & Sport Ministry fb page, 28.3.2020, 00:15 am. –The Tahan Post
Be the first to comment on "Kawl ram chungah Covid-19 a ngei mi 8 an si cang. March Ni 27 ah coronavirus a ngeih mi pathum kong: The Tahan Post"