Kawlram ah um mi caah thawngtha; Cozah nih tangka tampi a phawt than lai

NLD coah le ralkap cozah nih mah coronavirus hi election campaign nak caah an hmang maw ti cu thei a si lo, natein C-19 ruangah mi sifak le harnak a tawn mi pawl sin ah cozah nih a voihnihnak ding caah bawmhnak a phawt tthan hna lai. Mah bawmhnak aphawt ding mi hna hi chungkhar 5,400,000 an si lai

Tangka a phawt ding mi zat cu innchungkhar pakhat sin ah Kyats- 20000 a si lai tiah President office bia chimtu U Zaw Htay nih a chim

“Economic committee thei ter ahau. Cozah sertu theipinak lak a her. Zar 1 maw zar 2 hnuah cun tlamtling tein phawt khawh a si cang ko lai tiah U Zaw Htay nih a chim

Tu tan tangka phawt an nih tim ning cu mobile phone hmangin phawt a si lai tiah thei a si. Wave money bantuk in tangka kuatnak app hmangin tangka hi phawt a si lai tiah thei a si. Credit: MM Times, 22.6.2020.

Note: Ka thawngpang (tadin) ttial a rel mi vialte cungah lunglawmnak tampi ka ngei. Ka thawngpang ttialmi nan kan rel piak ruangah keimah zong tangka ka hmuh ve i, chungkhar zong ka zohkhen kho ve hna. Nangmah nih thawngin chungkhar ka zohkhen khawh ve ti ka thei caah thawngpang a dik lo mi ttial ka duh lo i ka tim lo. Hoax/Rumor/Fake ti bantuk hi ttial ka tim lo.

Thawngpang ka rel mi le mi dang nih an ttial mi credit ka pek mi hna hi source a hman mi a si maw ti ka zoh hnuah mah hi cu a hman mi a si lai tiah ka ti mi hna hi ka miphun a si mi “Chinmi” caah ka ttial tawn i ka credit tawn. Natein vawlei cung cu tlamtlinglonak ram a si caah ralrin tein ka ttial zong ah Source ka lak mi ah a hman lo mi a um kho mi a si.

Source ka lak mi, a hman lo mi a um ti nan theih ah cun zeitik caan poah ka theihterh kho ulaw, cun keimah ca zong ah ralrinnak a ka pektuk a si hlei ah ka source kha thatein ka zoh nak ding a si lai caah leĀ  thawngpang a hman mi le dik mi lawng ka thla peng khawhnak ding caah tiin zaangfah kan nih hal hna-Chingpage Editor

Be the first to comment on "Kawlram ah um mi caah thawngtha; Cozah nih tangka tampi a phawt than lai"

Leave a comment

Your email address will not be published.


*