Kawlram chungah Khrihfa pawl caah thawngpang chia bak a si cang

A poi tak tak, Khrihfa pawl caah cuah cun thawngchia bak si cang ko, Mah bantuk in cozah lei nih thil tuah lo in an ti ah cun nawlhngai kha a si cang caah, Atu hi khrihfa pawl kan caah cun puai a um lio cang a si. January – May thla tiang hi cu kan mah lei kawl ram Khrihfa pawl caah cun caan tha a si, natein atu lio zawtnak ruangah kawl ram zong minung tampi umnak tuah lo ding in thawngthangnak tuah a si cang caah, khrihfa pawl kan puai tampi cu tuah lo in cancelled ding mi tampi a um. A herhtuk mi pawl puai hna a si caah Khrihfa pawl kan caah cun thla fakpi in kan cam a herh tak tak.

Thawngpang dang>>>> Kanpetlet peng B.E.H.S. sianginn he pe 600 a hlatnak hmun a um mi inn, zinglei suimilaam 11:30 ah inn hnih a kaang tiah Kanpetlet meithat zung in kan theih. Hi kong he pehtlai in Kanpetlet Meithat zung lutlai pakhat nih, “A kaang mi hi inn hnih a si i, inn khat hi an sak lio mi a si.

Cun, kangh hram aa thok ning hi an sak lio mi inn i mei hri an sih mi a kanghnak in  aa thoknak a si. Hi inn kanghnak ruang ah hliam a tuar mi cu an um lo nain a inn tu hi cu a ciam dih. Inn a kaang ti thawng kan theih lecangka in kan va fuhcolh.

Kan si khawh chung in mei kan phalh nain inn hnih cu kan phal kho lo. Inn khat hi an sak lio mi a si i, inn khat tu hi cu an sak dihkate a si. A kangh ah hin inn satu an um nain an thei lo i a si lai ,” tiah The Hakha Post ah a chim. Inn a kaang mi hi Kanpetlet Baptist Khrihfabu Pastor Mana Heh le Saya Mana Ling hna i an inn a si. Pastor Mana Heh inn hi an sak cuahmah mi a si tiah kan theih.

Thawngpang dang>>> Midang caah thinphang dailo a si cang. Nihin ah HT thawngzamh nih alanghter ningah cun India ram Maharashtra khuapi Nagpur sizung ah coronavirus zawtnak kongah lunghrinh in admit mi minung 5 hna cu sizung in an zam tiah ati. Mah minung 5 hna hi  Nagpur khuapi Mayo General Hospital ah hmun dang tein an chiahmi hna an si. Anmah hna lakah minung pakhat cu an test I coronavirus a ngeilo tiah an ti. Midang 4 tu hi result an hngah lio a si tiah ANI nih a chim. Nagpur palik bawi S Suryavanshi nih atimi cu, mah hna hi tha tein kan hlat hna lai I siizung ah kan rak chuahpi than khawh ko hna lai tiah a chim.

Nagpur ah hin minung pakhat cu zawtnak a ngeimi a um tiah an chim. Amah hi IT professional a si I March 6 ah khan US a rak tlungmi asi. A damlo ruangah amah tein MGH sizung ah aa admit mi a si tiah theih a si. Mah khuapi chungah hin minung 16 hi lunghrinhmi an um hna. Maharashtra cozah nih cun nizan in order a chuah ve cang. Khuapi Mumbai, Thane, Navi Mumbai, Pune, Pimpri-Chinchwad le Nagpur hrawng mibu tonpumhnak hmun- cinema theatres, auditoriums, gymnasiums le swimming pools tibantuk vialte cu khar dih dingin nawl achuah cang.

Tutan ah zawtnak thalo lunghrinhmi minung 5 a zammi ruangah state ramchung mipi thinphang in a chiah hna. Hi hna minung 5 hi an tlaih khawh hna hlan ah hin minung tamtuk zawtnak hrik an chonh sual hna lai ti an phang tuk. Arannak in palik nih an kawl cang hna. Nihin tiangah India ramchungah minung 2 cu covid-19 zawtnak ruangah an thi cang I minung 83 hi zawtnak a kaimi an si cang tiah report nih a chim.