Kawlram cu a poi chin lengmang ko. MAH thil tuah ning cu fih nung ching lengmang ko

Min Aung Hlaing thil tuah ning cu a poi ching lengmang ko, Hi bantuk in lungput a ngei peng caah zeitin dah UN nih thil a tuah lai ti hi Kawlram mipi nih an zoh bik mi cu a si.

China le Russia ruangah UN zong nih a duh ning bantuk in thil zeihman a tuah kho lo. China le Russia nih an dirpi peng caah UN zong nih a duh ning bantuk in zeihman a tuah kho lo ti a thei caah Min Aung Hlaing nih zeihman ka cungah an tuah kho lai lo ti a thei caah a duh ning bantuk in tuah a tim chin lengmang ko

Min Aung Hlaing nih thawngpang dang a vun chuahpi than mi nih mi tampi a lauter ngai. Kawlram hruaitu Hitler tiah thei mi Min Aung Hlaing nih, Burma ram cu kumkhat hnuah i thimnak ngei than a si lai tiah a chim hnuah

Kum hnih hnuah tiah a chim than. Atu cu kumthum hnuah, (kum 2023) ah i thim than a si lai tiah a chim than. A bia chim mi hi mipi nih an zum kho ti lo.

A bia chim mi hi a thleng lengmang caah mipi caah Min Aung Hlaing bia cu zum kho a si ti lo. kum 2021 i thimnak cu a dik lo, cohlan ding a si lo tiah a chim than hoi. Kum 2020 i thimnak cu a thih cang, Cohlan tlak a si lo tiah a chim. Cucaah kum 2 leng cozah kan tlaih than lai i, kum 2023 hnuah, August thla ah i thimnak ngei than a si lai. Cred-RTK

Kawlram thawngpang.. SAC nih Ramkulh le Ramthen Vuanci Pawl a Thim Hna. Nihin (August 1) ah SAC nih Myanmar ramchung ramkulh le ramtthen pawl ah vuanci rian a pek hna i Chin ramkulh vuanci rian hmun 7 ah rian pekmi SAC misa pawl cu a tanglei bang hin an si: (1) Pu Ngun San Aung (Ramkulh Chief Minister)

(2) U Sein Tun Hlah (တိုင်းရင်းသားရေးရာ/Ethnic Affairs) (3) U Soe Lwin Moe (Lamsul lei vuanci) (4) U Nay Lin (Zatlang lei vuanci/Social Affairs) (5) Pu Han Cinh Zam (Sipuazi vuanci) (6) Col. Han Win Aung (Runvennak vuanci) (7) U Kyaw Ngyein (Leichungchuak mansung thilri vuanci)

A cunglei SAC vuanci hmun 7 ah Chinmi chung in Pu Ngun San Aung le Pu Han Cinh Zam riankhinh an si ve. SAC nih nihin ah “Caretaker Government” (အိမ်စောင့်အစိုးရ) timi a sermi thawng a thanh dih lecangka in a cunglei vuanci pawl riankhinhmi thawng an thanh colh ve hi a si. The Chin Journal

Biachia in CDF a Zuamcawhtu SAC Ralhrang Pa Mindat-Matupi Karlak Kahdohnak ah Thi. Aluancia April thla chung ah Facebook ah biachiakha in CDF pawl a zuamcawhtu SAC ralhrang pa Yel Lin Aung cu

July 30 ah a cangmi Mindat-Matupi karlak kahdohnak ah a thi, tiah CDM a tuahmi Myanmar ralbawi fanu nih a chim. Yel Lin Aung hi Sagaing ramtthen, Katha ah hmun a khuarmi Kha Ma Ya (304) ah ralkap a ttuanmi a si i, Matupi ah a phanmi SAC ralhrang bu ah aa telmi a si.

June thla chung zong ah khan Yel Lin Aung le a dang SAC ralhrang pawl cu Hakha ah an rak phan i caan zeimawzat an caam hna. Yel Lin Aung nih July 19 ah a donghnak bik Facebook ah a ca ttial. Cu a ca ah cun, “Kawlram chung kaa ziak bikmi khua lak ah Matupi zong aa tel cang,” tiah a ttial.

Mah hlan April thla ah khan Facebook Commend pakhat ah, “Nan Lai meithal he cun rak chuak uh. Ka z**g he nan i do lai,” tiah biachakha ngaiin CDF pawl a zuamcawh hna.

July 30 ah a cangmi Mindat-Matupi karlak mengtung no. 73 zawn i kahdohnak ah SAC ralhrang bawi Lt. Col. Zaw Zaw Soe telh in ralhrang 10 an thi, tiah CDF nih thawngpang an chuah. Hi a thimi lak ah hin a cunglei i Yel Lin Aung zong hi aa tel. CDM a tuahmi ralbawi fanu lawng si loin Mindat mipi group pakhat zong nih Yel Lin Aung a thihnak kong cu an fehter.

Mindat group pakhat nih, “Matupi khua kaa ziak ngai cang a timi Yel Lin Aung cu Mindat le Matupi karlak ah non ah aa chuah cang,” tiah an ttial. Yel Lin Aung i a hawipa SAC ralkap Si Thu zong nih, “RIP. Thla 3 hrawng lawng raldoh a cawngmi hna kut in na thih cu na paamhmai tuk ee,” tiah ngaichiatnak ca a ttial ve. The Chin Journal