Kawlram kongah Joe Biden a holh ve cang. Zum ning bantuk in a si hoi cang

Zarhpi ni ah Myanmar ram chungah  Junta pawl nih Pro-Democracy protester mi 114 an tha tiah media site tampi nih an chim. A thih mi an tam chin lengmang caah ramdang tampi nih US nih zeidah a tuah lai ti an zoh cang

US President Joe Biden nih Myanmar Junta pawl nih mi tampi an thah cang caah President Joe Biden nih poi a ti ning a chim i,

Tih nung tuk cang, Thil tha lo tuk mi si. thawngpang an ka chim ning ah cun, mipi hna cu tih nung tuk le a her lo in ralkap nih an thah thluamah” ti a si, tiin a chim

Congressman Gregory Meeks, Chairman of the House foreign Affairs Committee nih a chim mi cu, Burmese Junta pawl nih National Armed Forced Day cu zeihman a lo mi, a her lo tuk mi, mipi thahnak caah caan an hmang tiin a chim

Mah bantuk in Junta pawl nih a her lo mi le tih nung tuk mi hmangin mipi, democracy a duh mi cungah an tuah peng caah le, lih le hrokhrawl in democracy an lak piak hna i an thah mi hna hi kan ruahnak leng a si cang.

Mah bantuk hi a tlung lai ti kan zum bal lo. Yangon Embassy kah a si hnuah thawngpang tha lo lei lawngte thei a si cang.

Tatmadaw pawl nih American personnel pawl himnak leng ah mipi zeihman sualnak a ngei lo mi, democracy a duh mi cungah thah le hrem an tuah peng mi hi ngawl cang hna seh.

Biden administration nih MEC le MEHL pawl cungah dantatnak a tuah mi kha tha kan ti i, International partners pawl he Junta cungah a her ning bantuk in rian tuan ding in kan nih chawn peng tiin a chim. Credit-RTK

Buanlung Mino Pathum Hakha Ralkap nih an Tlaih Hna. Nizan March 28 ah thilcawk ding in leng ah an chuak i an tlau, tiah an timi hna Buanlung khuami Cung Hlei Sang (kum 17), Van Nun Bawi (kum 17) le Roland (kum 18) cu ralkap nih an rak tlaih hna i Rungtlang 266 sakhaan ah an hren hna tiah thawng kan theih.

Hakha ah a ummi chungkhar hna nih, “266 ah kan hren hna tiah atu zanlei ah khan phone a kan chawnh. Tu zanlei ah Palik sakhaan ah kan ratpi hna lai i, rak dong hna u a kan ti,” tiah The Chin Journal ah an chim.

Buanlung khuami mino pathum hi nizan Hakha mei a mih lio ah kan an umnak Auto sang in thilcawk ding in leng ah an chuak i ralkap nih an rak tlaih hna hi a si. Credit- The Chin Journal

Thawngpang ka tial mi hi source zumtlak mi nih an tial mi lawng ka post tawn. Cu caah thawngpang a hman lo mi le a dik lo mi, mipi sin ah thanh le tial hi kan chin miphun caah thil thalo a si caah tial ka tim lo. Chinpage thazang a ka pe tu vialte nan sin ah lunglawm bia ka chim. Chinpage hi like le follow vun tuah ve law, US thawngpang le vulei cung thawngpang a hman mi ka post mi na rel khawh peng lai. By-ChiefEditor

Be the first to comment on "Kawlram kongah Joe Biden a holh ve cang. Zum ning bantuk in a si hoi cang"

Leave a comment

Your email address will not be published.


*