Magwe ramṭhen, Industrial zone pawng ah a thawng thang ngai mi bomb thawng theih ruangah chekhlatnak tuah ding in a kal mi palik pawl cu nihin April 19 zing Sml 10:30 tluk ah bomb le RPG in mizapi vengtu ralkap hna nih an kah hna i, palik 2 an thih lengah 2 dang hliam an tuar, tiah Yong Force UG rian ngeitu pakhat nih a chim. “Motor thlalang khar buin motor nan khalh lai ti mi zulhphung a zul lo mi motor pakhat cu ralrin peknak ah tiin a thawng thang ngai mi bomb in kan tlerh. Cu thawng a thei mi palik hna cu chekhlatnak tuah ding in an rat lio ah RPG lungkhat in kan kah hna i bomb kan puah hnawh fawn hna caah palik 2 an thi i, 2 dang hliam an tuar,” tiah tiah Yong Force UG rian ngeitu nih cun a chim.
Mipi nih PDF cathanh chuah mi cu zulhpiak ding in thawng thanh a rak si cang caah a bik in private motor a khaltu hna nih thlalang khar hrimhrim ding in a thar in nawlnak an tuah ṭhan. Palik bomb a puahtu cu Myaing PDF, RSO (PKU), Pakkokku Ranger Young Force (UG) le Young Force PDF hna i bawm in an tuah mi a si, tiah theih a si.
=Magwe ramṭhen, Yesagyo peng chung ah a lut mi SAC ralkap le pyosawtee hna cu nihin April 19 chunhnu ah bomb voi 2 puah hnawh an si, tiah Yesagyo PDF nih an thanh. SAC ralkap le Pyosawtee hna cu Cycle 2 le Motor 4 in an ra i zaanlei Sml 2:00 le 4:00 ah voikhat veve kan bomb kan puah hna i, 4 an thi tiah PDF chungtel Wai Gyi nih a chim. A thi mi hna ruak cu Pakkoku lei ah an kalpi hna, tiah theih a si. April 13 zaan Sml 6 zong ah khan Sinmaye(ဆင်းမရဲ) khua in a rak chuak mi SAC ralkap motor pakhat cu Kuatgyi le Alaytawng khua karlak ah bomb puah hnawh an rak tong, tiah theih a si. Cre-TCP