Kha Chin mipi nih kan thei duh tuk mi Sii kong cu Sibawi thiam Dr. Fauci nih Parliament/ House ah a chim cang hi

Thawngtha vialte lakah thawngtha si cang. Top expert Anthony Fauci nih House ah Coronavirus sii kong fiang cik cek in a chim cang. Covid-19 sii phase 3 kong mah Chinpage ah fiang te in ka ttial cang.

Mi tampi nih lih le hrokhrawl na ttial an ka tih. Mah Chinpage hi lih le hrokhrawl ttialnak hmun a si lo. Thawngpang a hman mi le a dik mi ka unau Chin mi sin ah theiter ka duh caa ka ttialnak a si

Dr. Anthony Fauci, director of the National Institute for Allergy and Infectious Diseases Center, nih House Select Subcommittee on the Coronavirus Crisis sin ah covid-19 sii kong fian cik cek in report a pek cang

A chim mi cu, “a ho hman nih mah sii hi test tuah hmasa lo in, mi caah ahim lai ti cu an chim khawh lai lo (guarantee).  Mah vaccine hi thla arau hlan ah hmang khawh ding in tim tuahnak ngei lio a si.

Kan mah lei nih cun mah sii nih hin Coronavirus a ngei mi a dam ter hrim hrim lai ti hi kan zum mi a si” tiin a chim

Fauci nih a chim tthan mi cu Covid vaccine hi a dawngnak bik, Phase 3 ngei lio a si. Mah sii hi Saram le minung ah test an tuah hnuah Phase 3 an phan khawh mi a si i, mah sii nih hin Covornavirus damlo pawl hna cu a dam ter lai ti hi kan zum ning cu a si tiin a chim

John Hopkin Report nih a langter ning ah cun  U.S-ah hin Covid-19 zawtnak a ngei mi 4,500,000 an si cang i, a thi mi hi 150,000 leng an si cang. Vawlei cung ah Coronavirus a ngei tam bik le a thi tambik ram an si. June hnuah ah Coronavirus a ngei mi cu an kar thluamah. Credit- VOA

Note: Ka thawngpang (tadin) ttial a rel mi vialte cungah lunglawmnak tampi ka ngei. Ka thawngpang ttialmi nan kan rel piak ruangah keimah zong tangka ka hmuh ve i, chungkhar zong ka zohkhen kho ve hna. Nangmah nih thawngin chungkhar ka zohkhen khawh ve ti ka thei caah thawngpang a dik lo mi ttial ka duh lo i ka tim lo. Hoax/Rumor/Fake ti bantuk hi ttial ka tim lo.

Thawngpang ka rel mi le mi dang nih an ttial mi credit ka pek mi hna hi source a hman mi a si maw ti ka zoh hnuah mah hi cu a hman mi a si lai tiah ka ti mi hna hi ka miphun a si mi “Chinmi” caah ka ttial tawn i ka credit tawn. Natein vawlei cung cu tlamtlinglonak ram a si caah ralrin tein ka ttial zong ah Source ka lak mi ah a hman lo mi a um kho mi a si.

Source ka lak mi, a hman lo mi a um ti nan theih ah cun zeitik caan poah ka theihterh kho ulaw, cun keimah ca zong ah ralrinnak a ka pektuk a si hlei ah ka source kha thatein ka zoh nak ding a si lai caah le  thawngpang a hman mi le dik mi lawng ka thla peng khawhnak ding caah tiin zaangfah kan nih hal hna-Chingpage Editor