Minung kan pum ah hin 75% hrawng hi ti a si caah kan taksa nih a herh bikmi cu ti hi a si. Zing rawl ei hlan ah Tilum din a that ning hi vun rel law, a rel lawng si loin zing fatin, rawl na ei hlan ah tuah i zuam law a thatnak tampi na hmuh cawlh lai. Zing rawl ei hlan ah ti din a that ning pahra hna ka vun tial lai.
1. Zing rawl ei hlan ah tilum/ti din kan dinmi nih hin, kan taksa ah rehydrate a tuah i
(Rehydrate cu taksa nih ti a herhmi a hmuh khawhnak ding caah ti tampi din piak).
Minung hi a tlangpi in suimilam 6-8 karlak a itmi kan ti tawn. Suimilam 6-8 chung cu kan taksa nih ti a hmuh ti lo tinak a si. Zing kan tho bak in in tilum/Ti no hnih hrawng vun din ah khin taksa a bah tuk ding mi khi a thawngter than. Cun zing, rawl ei hlan ah tilum/Ti no hnih hrawng kan dinmi nih, ngandamnak caah a herh tukmi ril (Bowel) tanglei ah kan taksa rian tuan ning vialte kha thawngter hlei ah zun le ek a fawitertu a si
2. Zin rawl ei hlan ah tilum/ti kan din tawnmi nih hin kan taksa level of alertness a thawngter.
Minung kan bah tukmi a ruang pakhat cu ti kan din tlawmtuk caah a si tawn.
Zin rawl ei hlan ah tisa/ti kan dinmi nih hin taksa system nih rian a tuanmi vialte kha a thawngter i, mah ninh cun minung kan taksa nih rian a tuanmi vialte kha a thawngter tawn. 3. Zing rawl ei hlan ah tisa/ti din hmasami nih hin minung thluak a thawngter i, theinak/nghalnak a thawngter chin tawn. Minung kan brain/thluak hi 70% ti a si. Tisa/ti din tlawmtuk nih hin ba tuk i thaw zong a cham dihmi a tlungter i
lunthin umtuning/mood fluctuation fawitein kan ngei kho. Ti din tlawmtuk mi nih hin minung
nih kan hngalnak le theinak a tlauter khawh. Cucaah ti tampi din ah khin mah a cungah ka langter mi
vialte hi a thatter dih tawn tiah research nih an langter mi a si. 4. Zing rawl ei hlan ah tisa/ti din hmasak nih hin kan taksa nih zawhnak a dohnak ah tampi a bawmh, kan taksa immune system a thawngter i taksa ah zawhnak kha fawitein a tei kho tawn. Ti tampi dinmi nih hin taksa chungah zawhnak a dohtawntu Immune System cu balance tein a siam rem i, zawhnak nih taksa atei lonak ding caah
virus um lonak ding caah mah ti nih hin heh tiah taksa a bawmh tawn
5. Zing rawl ei hlan ah tilum/ti ding nih hin taksa ah toxins (siivai) a ummi hna kha a thah hna.
Zin tho bak in tilum/ti no khat,no hnih kan dinmi nih hin kan taksa chungah siivai (toxin) a um mi hna cu a thawl tawn, cun tilum/ti din tam nih hin thinlung a thawngter i, zin ah kan zun tikah thadam tein kan zun kho tawn. Zan ah kan taksa nih rian a tuanmi vialte kha, taksa chungah siivai/toxin a ummi vialte a hlawn tawn i, Zin rawl ei hlan ah tilum/ti kan dinmi nih hin
kan taksa ah um siivai/toxin hna a hlawn tawn hnuah taksa thar a ser tawn hna
6. Zin, rawl ei hlan ah tilum/ti din tawnmi nih hin kan taksa ah a ummi, Metabolism cu heh tiah a
thawngter. Research nih a langter ning ahcun, rawl ei hlan ah tilum/ti din mi nih hin kan taksa ah a ummi metabolic a thawngter. Mah metabolic h a biapi tak takmi a si. A hlei in rawl a cang/hak ngaimi a ei tawnmi caah cun a biapi tak tak mi a si. Metabolic rate a sang ahcun rawl ei zong a tha ngai tinak a si. Mah metabolic sangter nak ding caah a tha bikmi cu tilum/ti tampi din piak hi a si
7. Zing rawl ei hlan ah tilum/ti din tawnmi nih hin taksa rihnak a niam ter i,
Zin rawl ei hlan ah tilum/ ti na dinmi nih na taksa chungah toxin ummi kha a thian i,
cun na rawl ei ning kha dik ter lai i, na rawl ei a thawh ter lai i, cun rawltam tuk ti bantuk kha na ngei kho ti lai lo. Cun na ritnak vialte kha a niam ter lai i, cun na taksa chungah thau tampi a um dingmi kha a khamh lai. 8. Zing rawl ei hlan ah tilum/ti din tawnmi nih hin vun a dawhter i, vun a ceuter. Zin rawl ei hlan ah tilum/Ti din tawnmi nih hin thisen in toxin kha a hlawt i, mah nih cun vun a a that ter, Dehydration hi vun wrinkles, dark patches le vun zawhnak/deep pores a um tertu a si. Ti thatein na dinmi nih hin na vun ah thisen a kal ning kha a dik ter tawn caah na
taksa chung system in toxins tampi kha vun lei zong in a chuakter caah vun zong a dawhter tawn
9. Zing rawl ei hlan ah tilum/ti dinmi nih hin kal ah lung a um ding dingmi kha a khamh i, (kidney stones), cun, colon le bladder cu zawhnak hrik lakah a ven tawn hna. Pumpi chungah ti a tam ahcun zawtnak tampi a khamh tawn. 10. Zing rawl ei hlan ah ti din tawnmi nih hin sam a dawhter hlei ah a that ter i, zin rawl ei hlan ah ti na din tlawm tuk ahcun na sam zong kha a thla fawi i, cun a dawh lo ngai tawn. Cucaah zin rawl ei hlan ah tilum/ti din tawnmi nih hin sam a thatter ngai tawn. Cred- Health Tips