Kha a fiang chin lengmang ko i, Jeo Biden President a vun tuan bak cu US ram chungah tuanbia tha lo mi lawngte a chuahpi i, mah lawng si lo in Joe Biden president a vun tuan bak in North Korea hi voih tampi Missile test a tuah cang, Missile test sawhsawh lawng si ti lo in Hypersonic missile tiang a rak test cang.
Mah lawng si lo in, Trump president a rak si lio ah zeihman a tuah ngam lo mi Putin nih 
Ukraine cu heh tiah a tuk i, mah ruangah US ramchungah Gas le Oil man cu a sang tuk cang i,
mipi zong heh tiah an zai cang ko hi American mipi 71% bak nih, Joe Biden President a tuan bak in US a kalning cu a dik ti lo tiin NBC News poll a tuah mi ah an US kalning a dik ti lo ning an langter. 22% lawng nih, US kalning cu a dik ko ee tiin an hmuh ning an langter ve. Joe Biden president tangah, US kalning cu a dik ti lo ee
ati mi an tam chin lengmang cang i, April ah khan 56% nih, US kalning hi a dik ti lo an rak ti i, 36%
nih a dik ko an rak ti ve. Natein Zarhpi ni ah NBC News nih polls an tuah mi an langter mi
ahcun 71% nih US kalning cu a dik ti lo an ti cang i, Joe Biden President tangah US thil tawn mi le tu lio vawleicung thil cang mi an zoh tikah, Joe Biden ruangah US zong nih lam dik lo a zulh cang a ti mi an tam chin lengmang cang. Cre-Breitbart
Kawlram thawngpang..Magwe khuapi chung lamzawhnak ah SAC ralkap kut in pum tlamtlinglo ah ai
chuahmi Ko Shyan Phyu Aung cu pohmah-505(a) in tazacuai a si hnu ah March 28 ah kum 3 thong thlak
ding tiah SAC kuttang biaceihzung nih biakhiah piak tiah theih asi. Ko Shyan Phyu Aung hi Kan hnu kum (2021) ah Magwe khuapi chung ah SAC duhlonak langhternak ah ai tel ve i SAC ralkap pawl nih an kah caah a kut ah an khen i a kutrek in an cik piak, A hmai zong hmape in a khat i a ban le a ke ah robber kuanfang neh ai thei, a mit zong zen nih a phuh caah a mit fianlo pin ah meithal kuang in an suk chih
caah Magwe sii-inn an thlop i June 7 ah Magwe si-inn in Magwe thonginn ah an kuat hnu in pohmah-505( a) in taza an cuaimi asi.
Ko Shyan Phyu Aung (Kum 22) cu Magwe GTI sianginn ah kumhnih nak a cawng liomi si i tu bantuk in kum 3 chung thongthlak ding in biaceihpiak a tonmi kong ah a chungkhar hna nih ”azukhan” kan tuah lai lo tiah an chim.
==Mon ramkulh, Thaton peng, Ping Ne Taw khua um No. 8 hmaikal Sakhan 2 cu KNLA phufonh hna nih March 26 zinglei Sml 11:30 hrawng ah an kah hna i, SAC ralkap 6 an thi; 3 hliam an tuar, tiah theih a si. SAC ralkap sakhan hna cu KNLA Brigade 1, Battalion 2, Thaton peng mizapi vengtu ralkap TPDF, People’s Force le Thaton mizapi vengtu ralkap TPG phufonh hna nih hriamngan in an kah hna.
KNLA phufonh lei in a hliamtuar um lo tein hnu an tolh kho, tiah TPG nih cathanh a chuah.
Cubantuk in Kachin ramkulh, Moe Ngin peng chung ah KIA, Moe Ngin peng mizapi vengtu ralkap le
Magwe PDF hna nih nihin March 28 ah hmunhma an thianh lio ah SAC palik 4 le palik thawngpetu 2 lengah rithai-sii a zuartu hna cu mizapi vengtu ralkap hna nih an tlaih hna, tiah theih a si. Tlaih a tong mi SAC palik, thawngpetu le rithai-sii a zuartu hna cu dantat an si lai, tiah Tualchung Mizapi vengtu ralkap nih an thanh.
Bahin Palik Sakhan Kahdohnak Ah SAC Ralkap 9 An Thi: Magwe ramthen, Myiang peng, Bahin khua
um Palik sakhan cu PDF nih nihin March 28 ah an kah hna i SAC ralkap 9 an thi. SAC ralkap lei nih
cunglei in an vun kah hna caah PDF lei cu hnu an tolh ṭhan, tiah theih a si. March 28 zinglei Sml 11:45 in zanlei Sml 4:00 tiang Magwe ramṭhen, Myiang peng, Bahin khua um Palik sakhan cu Myaing Vilages Revaluation Front (MVRF), PRA, Kyua Thit Nat, Pale (Pah – Kah – Phah), PPDG Tiger hna i bawm in sakhan laak an i zuam lio ah
SAC ralkap Jet Fighter pakhat nih a rak bawmh hna caah mizapi vengtu ralkap cu hnu an tolh ṭhan.
Hi kahdohnak ah hin PDF 2 hliam hme te an tuar, tiah theih a si. Nuahtoogyi Ah SAC Ralkap Motor Nih Bomb Aa Rial Sual I Ralkap 2 An Thi: March 28 zing Sml 10:20 ah bomb hrial timh in, rang ngai in a tli mi SAC ralkap motor cu Mandalay ramṭhen, Nuahtoogyi peng Pechait(ပဲချက်) tlang lei ah bomb aa lamh sual i SAC ralkap 2 an thi, tiah Nuahtoogyi PDF nih thanh.Cre-TCP