Biden santlaih lo tuk ruangah si cang ko hi, Ninga Ni ah khan, CNBC’s “Squawk Box”-ah pollster Frank Luntz nih a chim ning ahcun, July zarh 4 nak a vun phan dingmi kong he pehtlaih in ralrinnak thawngthannak a tuah. Luntz nih a chim ning ahcun, Inflation a puak dingmi cu ni 13 hrawng lawng a tang cang. Aruang cu mipi nih thil man a fak ning le Gas man a fak ning fiang cik cek in an thei lai caah tiin a chim.
Mah hi Biden administration thatein chim kan nih tim hna, a ruang cu mah kong ah a thei
dingmi hna an si, natein an mah lilah presentation zong an cohlan duh ti lo tiin a lungfak ning a chim.
Cucaah thil man inflation kongah ni 13 lawng a duh ri, ceilak in a puak te lai hi aw, Zarhpi ni voihthum a um i, American pawl nih lampi ah an kal nakding lam pathum a um. American pawl nih kum dang nak in thil an cawk tamnak caan a um. Krisma, Thanksgiving le fourth of July Weekend hna hi a si. Cun mi vialte nih a tu thawk in ni 13 ah an car chungah an um dih lai i, Motor tank ah $40 maw $50 an chia kho
ti lai lo, a sining ahcun an tank hi a khat dih ding a si. An duhmi 80% an cawk kho ti lai lo tiin a chim.
US ramchungah thil mak a kai ning hi a zual tuk cang, Mipi nih an shopping Card cu barbecues le
cookouts he khat seh an duh. Natein ni 13 a vun si lai i, thil sining taktak an vun thei lai i, Tu lio America dirhmun fiang cik cek in an thei lai. Thil man a kai tuk caah an duh mi an cawk kho ti lo ning fiang cik cek in an thei bak cang lai. Kum 2009 ah US ram ah kil man a kai i, US mipi nih ceilak in harnak kan tawn bantuk caan ah kan kir than te lai tiin a chim. Cred-Breitbart
Kawlram thawngpang…Economist Sean Turnell Cu Thlah Cang Ding In Australia Prime Minister Thar Nih SAC A Nawl!:
Australia rammi Economist Sean Turnell cu thlah cang dingin Australia Prime Minister Anthony Albanese
nih SAC nawingeitu hna cu June 16 ah a nawl hna. NLD chan lio ah Myanmar economic lei ah ruahnak petu Australia rammi Sean Turnell cu SAC ralkap nih nawlngeihnak an laak hnu a ni 5 nak ah tlaih a rak tong. Turnell cu Myanmar ram phungphai a thlithup in a buartu na si, ti in SAC nih taza an cuai i, atu ahcun thla 16 chung a rau cang.
SAC nih cun biaceihzung ah chuahpi dingin tette kan ngei tiah an chim.
Sean Turnell cu an thlah ding a si, hi kong he pehtlai in Australia cozah nih rianṭuan kan i tim.
Kan hmuhtonmi ningin chim ahcun a dik lomi a si pinah nuhrin covo he aa tlak ningin biaceihnak cu SAC lei nih an hlawt, tiah Australia Prime Minister nih a chim. Sean Turnell thlah ṭhan nakding kong he pehtlai in Australia cozah nih a si khawh chung in ṭuanvo kan laak lai, tiah an chim bantukin Australia ramdang palai zong nih SAC sinah nawlnak a tuah cang.
==Gangaw Ah Nungak No Pakhat Cu PDF Ah Puh In SAC Ralkap Nih An Tlaih!: Magwe ramṭhen,
Gangaw ah nungak no pakhat cu June 16 zing Sml 7 hrawng ah “PDF na si” tiah SAC ralkap nih
puh in an tlaih, tiah tualchung mi nih DVB ah an chim. Tlah a tong minu cu Ma Ei Tet Mon kum 19 mi a si i, Gangaw in Sain Do khua lei a kal lio ah SAC chekgate ah, SAC ralkap nih an tlaih, tiah theih a si. “SAC ralkap nih theihpinak zeihmanh um loin an tlaih. Gangaw palik sakhan ah an hren i a chungkhar he zong an tonter hna lo. Gangaw No.1 sang chekgate ah hin ralkap, palik le pyosawtee
pawl i bawm in khualtlawng mi pawl nifatin in an chek hna. Dalan nih thawng an pek hna ah siseh,
phone chung ah dohthlennak kong post an hmuh zong ah an tlaih hna, tiah tualchung mi nih an chim. Magwe ramṭhen chung ah, 2022 January thla thok in nihin tiang SAC ralkap nih aruang um loin civil mi 400 leng an tlaih cang hna i May thla chung lawng ah civil mi 100 leng an tlaih hna. Cre-TCP