Kawlram a buai chin lengmang, i kahnak a fak chin lengmang, a thi mi an tam chin lengmang. Mipi ralkap hna zong an thi pah lengmang ve. KNU nawlngeinak chungah tu kum January thla chungin i kahnak voih 435 a chuak cang i, Military Council lei minung 399 an thi cang, mi 313 nih fakpi in hmah an hmuh tiin KNU nih February ni 8 ah thawngthanhnak an tuah. January thla chungin
Military Council le BGF he an i kah nak ah khan KNU lei minung 7 an thi i, minung 24 nih hmah an
hmuh ve tiin KNU nih thawngthanhnak an tuah. KNU ramchung Mutraw (Pha pun) District le Dupalaya District
(Myawadi, Kawhkaraih, Kyia inn saih Gyi, Phaya Thung Su) ah Military Council nih hriamnam angan mi le vanlawng hmangin mipi an phomh hna caah mipi lei 12 an thi i mi 32 nih hmah an hmuh. Atu KNU nih thawngthanhnak an tuah mi hi FRA nih fiangternak a tuah ri lo. Military Council nih voih 75-nak Union Day-ah a tuahnak ah khan NCA min thutnak tuah dingin a sawm hna i, Natein, KIA, KNU AA, CNF, KNPP, MNDAA, TNLA
nawlngeinak chungah Military Council pawl nih buainak an tuah peng tiah thei a si. Cred-The Tahan Post
Thawngpang dang= Yangon ramṭhen, Palek zung in CDM tuahtu, caan karlak Palek Bawi (Yee- Hmu) Tin Myin Htun
i a inn cu ralhrang nih an chuh i february 7 zanlei sang ah an kharpiak, tiah Tin Myin Htun inn umnak N.Okkala-pah peng i a ummi tualchung mi hna nih an chim. Yangon ramṭhen Press le palek ah Palek Bawi si mi Tin Myin Htun cu kan hnu january thla khan ralhrang uknak tang rianṭuan a duh ti lo caah CDM a tuah i a ṭuannak Palek zung in rank sang hna lak ah CDM tuah hmasa bik a si. Kum 31 chung palek a ṭuan cang mi zong a si.
Palek Bawi Tin Myin Htun cu CDM a tuah bak in a chungkhar he hmundang ah an i thup i, A inn an kharpiak
mi a theih ah, “Dohthlennak a dih tik ah an ka kharpiak mi ka inn ah zalong tein ka um ṭhan te lai,” tiah a chim.
=Ralhrang Nih Helicopter In MNDAA An Kah Hna!;SAC ralhrang nih Myanmar National Democratic Alliance Army( MNDAA) bomb in kahdohnak ding ah helicopter pawl a thlah hna, tiah MNDAA nih nihin Febuary 8 ah cathanh chuah. Nizan Febuary 7, zing sml 8:44 ah Moepan hmunhma ah rakhrang le MNDAA karlak ah kahdohnak a chuah caah atu bantuk in ralhrang nih Helicopter a thlah hi a si.
Cu kahdohnak ah cun MNDAA ralkap 2 an i hliam i ralhrang lei thi le hliam belte hngalh si rih lo.
Febuary 6 le 7 zong ah ralhrang pawl nih Monekoe pengkomh Manyan an camp in Sihkyihkya lei ah hriamngan voi 20 leng in an kah, tiah theih a si.
=Karenni ramṭhen, Loikaw peng chung ah ralhrang le Karenni mizapi vengtu ralkap a bawm mi phu hna karlak ah February 4 le 7 karlak ah kahdohnak voi 3 a chuak i ralhrang 16 an thi, midang tampi hliam an tuar, tiah KNDF nih cathanh an chuah. Loikaw peng, Kayan Tharyar khua pawng ah February 4 zing Sml 5:30 ah a ra mi
ralhrang phu cu Karenni ralkap KA le KNDF a fonhmi phu hna nih an doh i minute 30 hrawng
kahdohnak faak ngai a chuak. Ralhrang lei in a thi mi an tam i a zat tu cu fiang in kan thei kho rih lo, tiah KNDF nih a chim. February 4 zanlei Sml 2:10 ah Loikaw peng, Htee Yi khua tlang cung ah umhmun a khuar mi ralhrang phu cu Karenni a fonh mi phu hna nih an doh i kahdohnak Suimilam pakhat chung hrawng an i kap i ralhrang lei in 7 an thi, midang zeimawzat hliam an tuar, tiah theih a si.
Cu bantuk in Nizan February 7 ah, Loikaw peng, Lin Phung Lyin lam ah ralhrang phu hna cu KA, KNDF
le Phekhung PDF nih nih an kah hna i ralhrang lei in 9 an thi, midang zeimawzat nih hliam an tuar. Cu kahdohnak voi 3 chung ah cun Karenni ralkap phufonh lei in ralkap cheukhat hliam an tuar ve. Sinain An hliam hma kong ah thinphan tuk ding a um lo, tiah KNDF nih nihin february 8 ah cathanh an chuah. Cre-TCP