Kum 1918 Flu lio ah a chuak mi, Kum 101 cu Coronavirus in a dam tthan. Superhuman DNA ti a si, A cungah thil a tlung mi cu khuruahhar bak a si

Khuruahhar bak a si, mah bantuk in Pathian nih a cungah zaang a fah in mah vialte zawtnak in a dam than mi cu. Thawngchia lawngte kan thei i, thawngtha thil mak zong kan theih pa ahau caah atu lio zawtnak coronavirus in a dam tthan mi Superhuman DNA an ti mi kong hi thatein vun rel hman. thilmak le khuaruahhar pakhat cu a si ve.

Kum 1918 Spanish flu pandamic lio ah a chuak mi, atu kum 101 a si cang mi Angelina Friedman cu coronavirus zawtnak a ngei ve i, natein mah zawtnak in a dam cang. Northern Westchester Restorative Therpary and Nursing Center ah um mi a si i, March ni 21 ah minor medical procedure in siizung ah kal pi a si

Test an tuah i, thatein an zohfel hnuah atu lio ah ramkip ih a buaipi ngai mi Coronavirus a ngei tiah thei a si. Nursing Home ah Isoloslate in chia a si. April ni 20 ah test an tuah tthan hnuah mah zawtnak hi a ngei ti lo ti thei a si

Angelina  Friedman nu hi nau a ngei lio ah a thi i, cun pasal caah Harold Friedman he an i um i chungkhar an dir. Vanchiat i an nupa he cancer an si. Apasal Harold Friedman zu cancer zawtnak in a thi. Natein Angelina  Friedman cu mah cancer in a dam tthan. Mah hlei ah nauchiat, Internal bleeding le sepsis han a rak ngei cang.

Natein mah vialte zawtnak in adam than. Mah bantuk in a cungah khuaruahhar thil a tlung caah Nursing Home Staff le family member pawl nih Angelina Friedman cungah thil a tlung mi cu Pathian sungparnak a si tiah an chim. Source-USA Today

Note: Ka thawngpang (tadin) ttial a rel mi vialte cungah lunglawmnak tampi ka ngei. Ka thawngpang ttialmi nan kan rel piak ruangah keimah zong tangka ka hmuh ve i, chungkhar zong ka zohkhen kho ve hna. Nangmah nih thawngin chungkhar ka zohkhen khawh ve caah thawngpang a dik lo mi ttial ka duh lo. Hoax/Rumor/Fake ti bantuk hi ttial ka tim lo.

English ka rel mi le ka source hna hi a dang ka zoh hnuah mah hi cu a hman mi a si lai tiah ka ti mi hna hi ka miphun a si mi “Chinmi” caah ka ttial tawn. Natein vawlei cung cu tlamtlinglonak a si caah Source ka lak mi ah a hman lo mi a um ti nan theih ah cun zeitik caan poah ka theihterh ulaw keimah ca zong ah ralrin tein ka source ka zohnak ding caah a si lai i cun thawngpang a hman mi le dik mi lawng ka thla peng khawhnak ding caah tiin zaangfah kan nih hal hna-Chingpage Editor