US cu ram thawngtuk mi le freedom tuk mi ram a si caah US ram ah um hi mi tampi nih an duh cio mi a si. US president a rak tuan cang mi zong si seh a tuan lio mi zong si seh, an rian tuan ning a tha maw tha lo ti hi US media pawl nih mipi sin ah bia halnak an tuah peng hna.
Mah cu US President a tuan lio mi ca zong ah thil tha ngai pakhat a si ve, President rian tuan ning kha mipi nih an duh lo tuk ahcun
President zong nih mipi lungthing kha an rak thei ve i, an rian tuan ning kha a hnuah mipi duh ning bantuk in an mer khawh than.
Joe Biden zong president thla 10 hrawng a vun tuan ve cang. A tu cu President Joe Biden rian tuan ning cu US mipi nih an duh lo chin lengmang cang i, an duh lo ning cu a mak chin lengmang ko. President Joe Biden zong thla 10 hrawng White House office ah rian a tuan ve cang.
Atu approval ratings a hmuh mi a point hi a niam chin lengmang i, Kum 1953 hnuah, US President a rak tuan cang mi vialte lakah
approval ratings a kar a hlat bik mi a si tiin Gulup polls nih a langter. President Joe Biden cu Afghan withdrawal kongah le
US ralkap minung 13 an thinak kongah le US ralkap dihlak vaccine lak ding, Cun, US cozah rian tuantu vialte nih vaccine i chun hrim ding tiah nawl a chuah mi le phunglam loin US ram chungah a lut mi an tam tuk cang caah
Joe Biden rian tuan ning kongah US mipi nih an cohlan ti lo caah President Joe Biden zong a mualpho chin lengmang
January in June tiang kha, President Joe Biden approval ratings cu 54 le 57 kar a si tawn tiin Gallup nih a langter. Cun July ni 20 in October ni 19 chungah President Joe Biden approval ratings cu 44.7 a si tiin Galup nih a langter ter.
Mah ti a si ahcun, Joe Biden Presidency approval ratings cu 11.3% in a niam tinak a si. Mah bantuk in President approval rating kar a hlat mi
a rang tuk mi nih fiangtein alangter mi cu Joe Biden cu mipi nih an duh lo chin lengmang ti a fiang caah kum 1953 hnuah president approval ratings a ra kar a hlat bik mi cu President Joe Biden a si tiin report nih a langter. Source- Breitbart
Be the first to comment on "Kum 1953 hnuah Joe Biden nih tuanbia chiak bik mi a tial"