Hmailei thil kong chimchung khawhnak phundang takmi a ngeih ruangah “Nostradamus of the Balkan” ti tiang zong an timi Baba Vanga ( a min taktak cu Vangelia Gushterova) nihcun kum 2022 chungah thil a cang dingmi kong kha arak phuang chung.
Khuaruahhar taktak a simi minung nihhin Brexit le 9/11 zong kha a rak chimchung bangin a cang taktak. Baba Vanga hi 1911 ah a chuak ii, kum 12 a si lio ah thlichia faktuk in a rak hrang caah a mit tiang zong arak caw. Amah nih a chim ning ahcun, mah hi caan ahhin Pathian nih hmailei thil cang dingmi chimchung khawhnak fimnak phundang tak a ka pek, tiah a chim. A chimchung mi thil tampi cu a chim bantuk tein an tling taktak.
Kum 2022 ah a chuak dingmi thil a chimchungmi cheukhat hna cu: (1)Khua Caan Chiatnak Ding Kong -2022, a chuak dingmi ahhin Asia ramchung hmun tampi ah le Austrilia ram cu Tilian nih a tlun hnawh lai. (2) Virus Tih Nung – Kum 2022 a chuak dingmi ahhin Covid-19 cu a zia deuh dingah kan ruah ii Vanga belte nihcun virus tihnung taktak a chuak lai tiah a ti. A chimning in cun, Siberia ah researchers team pawl nih virus tihnung taktak an hmuh lai tiah a chim.
(3) Ti Din Ding A Har Lai Nak Kong – Baba Vanga nihcun vawleicung khuapi hmun tampi ahcun, tii din ding an ii deih te lai lo ii a tu hmanh ahhin hmun tampi ahcun Ti a reu thluahmah cang. (4) Khaubawk an chuak lai – Khaubawk tampi an hung chuak lai, mah khaubawk nihhin thlaicin mi le fangkung pawl cu an ei hna lai.
India ram ah a fak chinchin lai. A chim ciami bantuk in 2020 ah Rajasthan, Gujarat le Madhya Pradesh ah Khaubawk run nih an thali le an fang kung an rak ei piak hna khah! Kum 2022 ahcun Virtual Reality nih hmunhma a lak cang lai, a tu dirhmun zongah Facebook leiin VR zong hman an ii timh cuahmah. (5) Vawlei Leng Minung An Hung Chuak Lai – Baba Vanga nih a chim ning ahcun, Astreriod ‘Oumuamua’ an timi cu Alien pawl hi vawlei cungah nunnak kawl in an hung chuak te lai, tiah a ti.
Nupi Tha Nunzia Kong Relchap : 1.Na Pasal Chungkhat Daw Hna – Na pasal cu na duh ii na vat cangmi a si caah dawt chin lengmang ding a um lo, cuti kan ti tikah na huat lai tinak a si lo. A biapi bikmi cu Nupi (Mo) tiah a rak in auh tu na pasal chungkhat pawl hna cung tu ahkhan na pasal na dawtnak kha va langhter. An rak in dawt lo le an in thangchiat hmanh ah nangmah nihcun dawtnak in lehrul hna law ni khatkhat ahcun na min a tha than lai.
2.Mi Thar Tuk In Um Hlah – Na pasal inn ah mothar/mithar bantuk in um hlah. Chonhkhenh a nuammi le komh a nuammi si ii zuam. Na duhnak chim kha tih hlah law, an ningzah lonak dingah nangmah nih an herhhai mi kha hal hna. Na ziaza zong thup tuk duh hlah, caan a ruah deuh tikah an in theih thiam te ko lai. 3.Thih Hlan Tiang – Chungkhar dirh ṭhat lo tluk in a harmi a um lo tihi thei law, voikhat na ngeihmi na pasal kha ka thih tiang in khua ka sakpi lai timi biakamnak ngei. Zei bantuk harsatnak a rat caan hmanhah na hna beidong loin cu harsatnak cu innchungkhar a hrawk khotu harsatnak a si tiah ruat in tei ii zuam.
4.Mi Ṭhektu Si Loin Mi A Pumtu – Mi Inn ah a lawimi Nupi Mo na sinak theih pengin na lawinak chungkhar ṭhektu men si loin chungkhar a rem tertu le a pumtu si ii zuam. Na pasal te chungkhar cu nangmah ruangah buai hna hl ah seh, nangmah thawngin remnak tu ngei hna seh. 5.Na Nu Le Pa Inn Len Uartuk Hlah- Na pasal rian a tuan chung ah maw, na pasal a um lo le caang kaa in na nu le inn lawnglawng ah na kal hlah. Na pasal nih “Ka pi te” Inn ah va leng seh an ti hmanhah va el tawn. Na nu te inn lawnglawng ah khua nasak tuk ahcun na pasal chungkhat lei zei ii na rel hna lo ahcun anmah zong nih zeihmanh ah an in rel ve lai lo.
6.Mi Kong Ceih Hmang Hlah- Na pasal he maw, a chungkhat he bia elnak na ngeih sual ahcun hmun dangah chuahpi lo te in um ii zuam. Nan innpa sin ah maw, na hawikom sin ah maw an kong va ceih hlah. Abik in na nu le pa sinah chim lo tein um khawh ii zuam. Mi sinah an kong na va chim tuk ahcun, “Nupi Muko” an in ti sual lai. 7.Nangmah Chungkhat A Thli In Thil Pek Hmang Hlah – na pasal le a chungkhar theih loin nangmah lei sahlawh chungkhat thil pek uar tuk hlah. Nangmah nih na siaherhmi hna a um ahcun na pasal silo le a chungkhat pawl hal ta hna. Mah cu nihcun Nupi than a sinak a langhter lai ii annih zong nih zeihmanh na bia el lo tein pakhat le pakhat karlak ah dawtnak le remnak a leng lai.
8.Na Pasal Na Duhdawt Nak Langhter Peng- Nangmah chungkhat lei an mithmuh le theih hngan ah na pasal na duhdawtnak langhter. Nan nupa le nangmah lei hmunkhat nan umtii caan le rawlhrawmnak nan ngeih caan ti bantuk ah na pasal philh lak in um hlah, an mithmuh hrimhrim ah na pasal zawn na ruahnak kha langhter. 9.PATHIAN Tlaih Peng – Zeizong te ah PATHIAN aa tel lo ahcun tlam a tling lo tikha va philh hrimhrim hlah. Chungkhar dirh timi hi a tluang peng lai ti va ruat hlah. Nungak le tlangval lio bantuk in ii duhdawt khawh lo caan a um. Harsat caan, hnabeidongh caan, sungh zatlak caan zongah nuva sinak kaltak loin PATHIAN hmai ah thlacamnak he hmainor ii zuam chinchin.