Thawngpang a linsa chin lengmang ko, Russia a sual chin lengmang ko, Kyive Mayor Vitaliy Klitscho nih a chim mi cu ngaichia bak si ko. Russia ralkap pawl nih heh tiah cawlhnak an ngei lio a si caah Ukraine mipi hna Kyiv ah a ho hman rat hla u, thinak lam a si ko tiin a chim. Kyiv ah kir a duh mi nan um ahcun caan saupi nan ngha ta a hau lai. Kyiv ah tih a fawi tuk tiin a chim. Adviser to President Zelenskiy, Oleksiy Arestovych nih
a rak chim chung mi kha a dik hrinhrang ko. Atu hi Russia ralkap hna cu East le West Kyiv ah
thazaang an chuah chin lengmang i, heh tiah Kyiv lak ding in tim tuahnak an ngei than lio a si. Cred-RTK
Kawlram thawngpang…..Karenni ramkulh, Demohso, Pharuso, Loikaw le Moebe ah SAC ralkap le Karenni phufonh kahdohnak, March 24 in 31 zarhkhat chung kahdohnak ah SAC ralkap 23 hrawng an thi i, KNDF Battalion 15 in ralkap pakhat nunnak a liam, tiah KNDF nih cathanh a chuah. March 24 ah Demoso, Htoo Hlui Bila khua chung ah
umhmun khuar mi SAC ralkap le Karenni ralkap phufonh hna kahdohnak a chuak i SAC ralkap nih
Htoo Hlui Bila khua inn 6 cu an khangh. Phru So Ngwe Tuang khuathar pawng ah rallam sialtu SAC ralkap cu
Karenni ralkap phufonh hna nih an kah hna i, SAC ralkap zeimawzat an thi, KNDF Battalion 15 in ralkap 1 a thi ve, tiah theih a si. March 25 zinglei ah Loikaw peng, Lyin Phone Lay khua pawng tlang ah umhmun a khuar mi SAC ralkap hna cu KNDF nih an kah hna i, SAC ralkap nih cu sakhan cu an chuahtak. Cu tlangcung um mi sakhan cu KNDF nih an laak khawh.
Zanlei Sml 4:00 hrawng ah SAC ralkap hna cu Demoso, Daw Phu Sii, 5 Mine le 6 Mine khua lei in
Battaling khua tiang an kal i Karenni mizapi vengtu ralkap phufonh hna he an i kap. SAC ralkap
nih 5 Mine khua inn 5 cu an khangh piak hna, tiah KNDF nih cathanh a chuah. March 26 le 27 ah khan Phruso um Khah-Mah-Yiah 428 battalion cu Karenni mizapi ralkap phufonh hna nih an kah hna i SAC ralkap lei a thi mi zong an um. Zan Sml 8:00 hrawng ah Moebe um Khah-Mah-Yiah 422 Tayat Chan Battalion cu
KNDF nih an kah hna i SAC ralkap 5 an thi, tiah theih a si. March 27 zinglei ah Demoso Kone
Thar khua ah umhmun khuar mi SAC ralkap hna cu Karenni mizapi ralkap phufonh nih an
kah hna i SAC ralkap 6 cu a hmun ah an thi colh. Phruso No. 14 raldoh cawnnak sianginn cu Karenni ralkap nih an kah ṭhan i SAC ralkap 2 an thi. March 28 Daw Nang Kha um SAC ralkp hna cu kah an si i, kadohnak ah SAC ralkap 2 an thi, tiah KNDF nih cathanh a chuah. March 30 ah
Phruso Khah-Mah-yiah 428 Battalion cu Karenni ralkap nih an kah ṭhan hna i SAC ralkp 8 an thi, tiah
KNDF nih a chim. SAC ralkap cu Shan ramkulh in Kayah ramkulh ah mawṭaw 40 he thazaang an chap i, Demoso, Htoo Hlui Bila le Ngwe Tuang khuathar pawngkam ah Karenni ralkap hna he an i kap. Hi kahdohnak ah hin SAC ralkap lei zeimawzat a thi, tiah Karenni ralkap nih cathanh an chuah. Cre-TCP