Oneness le Trinity Kong. Oneness le Trinity kongah kan vun buai ngaingai hna, cabia cun kaphnih ning in kan thiam veve i aa tluk tawk bak kan lo cio ko. Cun hi kong hi “Admin te nih tial ti hlah u” tiin kan in thlak ngam bak hna lo. Cucaah Oneness leiin kan bochanmi le kan zumh raih bikmi minung 1 in vun sawm kho ulaw,
cun Trinity lei zong nih kan zumhbikmi le kan bochan bikmi minung pakhat in vun
i sawm ve hna ulaw Online Live Debate kan tuah ko hna lo?
Moderator ah neutral minung kan thim hna lai, cun Oneness leiin Special Question haltu ding minung 5 tluk thim, cun Trinity leiin Special Qeustion haltu minung 5 in thim ve hna i minung pakhat nih minute 5 cio caan pek ding in. Capo asi lo, Online cabia sawhsawh tialmi cabia nakin Zoom Live in mipi kan i fiang kho deuh lai dah. Nan ruahnak cio zeitin? Cre-Chelsea Bawi
====Ka ttial ciami a si ko nan ka van nolh tthan lai. Tuan lio piin Mizoram um
Mizo pawl nih an rak chim lengmangmi le tinhmi an rak neih cangmi cu Mizoram cu
Chin miphun vialte (anmah holh in cun Zohnahthlak an ti) i Jerusalem a si lai, Chin miphun vialte nih an fuh lai i kan i dornak a si lai an ti. Mah an rak chimmi hi atu a tak in a tling cang. Chin state le Kawlram hmundang i a ummi Chinmi vialte nih Mizoram cu kan panh i dornak ah kan hmang cang. Duhherh zalhnak ah Mizoram cu kan hmang cang fawn. Mizoram cu Chin miphun vialte i Jerusalem cu a si tak ko
cang. Mizo pawl nih mah ruahnak an chimmi hi Pathian nih a pekmi hna a si hnga maw?
Siloah Mizo pawl an rak fim bia dah a si hnga? Siloah hmailei thil a cang ding kongah
a cuanhdan/a zohdan zia an thiam bia deuh dah a si hnga? Ruah awk ngai a si. Hi hnu hmailei ahcun Chin state le Kawlram hmundang i a ummi Chin mino vialte cu Mizoram i khuapi Aizawl, Lunglei, Serchip le Champhai khua pawl ah duhherh zalh ah kan kal deuh cang lai. Kalay, Mandalay, Falam, Hakha le Tidim khua pawl nak in Mizoram khuapi pawl kan panh deuh cang hna lai.
Mah tik ah Mizo holh zong kan thiam deuhdeuh cang hna lai i duhsah tein mizo holh cu
tlangholh ah a cang te ko lai, kan duh zong duh lo zongah. Chin state i kan phaisa vialte le
ramdang i a ummi, Chin miphun vialte i kan phaisa zong Mizoram ah a lut dih cang lai. Mizoram kan sersiam chin lengmang tinak si cu. Atu lio ahcun kan phaisa le chawva cu lut ko seh, Chin state ah an phaisa le an chawva a lut can a phan ve te ko lai tiphun in kan ruah ahcun a ttha tuk ve ko. Atu lio kan dirhmun le kan sining in cun Mizoram cu hrial awk a ttha bak lo i fuhpanh peng a hau. Asinan atu ka chimmi pawl konghi fak deuh in ruah cu a hau ve tiah ka ruah. Mizoram, Chin miphun vialte i Jerusalem, Pathian khuakhan si dawh a lo ngai cang. Cre-Van Tum