Ramthumnak ah a um Laimi kan tam tuk cang, Mah hi kan ram that lo ruangah a si, Kan ram thatlonak cu Pathian nih Lai miphun nih faktuk in kan tuar in dingmi kha tha a ti lo caah Pathian nih lam a kan serpiak i ramthumnak tiang a kan hruai. Mah bantuk in ramthumnak tiang a kan hruaitu hi Pathian a si ti US ram ah um, Laimi tampi nih kan philh cang. Sifak tuk in kan um dingmi kha a kan siang lo i
ramthumnak tiang a kan hruaitu Pathian thangthanak caah Zarhpi Ni hman caan pe duh lo in
rian a tuanmi hna hi thatein kan dirhmun kan check than a hau cang. Mah bantuk in
kan kal lengmang ahcun Pathian lung kan tawn lo tuk sual lai ti tih nung cang. Zeitluk rian na tuan zong ah tangka na duhzat/herhzat na hmuh cang hlei lai lo, Tangka kawlnak ahcun ka zah cang ti a um bal lai lo, Tangka cu na kawl ahcun tam deuh deuh hmuh peng na duh lai. Azah ti hi a um lai lo. Kan biakmi Kan Pathian Cauk ah pei, “A zuang lengmangmi va khi zoh tuah hna u: thlaici an tuh bal lo, rawl an tuan bal
lo, buk zongah an rawn bal lo; sihmanhsehlaw vancungn i a ummi nan Pa nih azohkhenh ko hna.
A si ah, Nannih cu va nak in nan biapi deuh lo maw? tiin Jesuh nih bia a kan hal hi.
Mah Jesuh nih biahalnak a tuahmi hi zeitluk in dah a fa le hna hi Jesuh caah kan biapi ti fiangtein a langte duhnak a si. Rian kan tuan lai, natein Zarhpi ni tal hi cu chungkhar tlingtein Pathian biak inn ah kal tuah hna u sih. Mah ti rumro hi cu a si kho ti lai lo. Atu tangka na kawlnak ah i pum hman lo in na um mi nih khan, i pum kho lo in ihkhun ah na um tikah, aw kha lio ah, chungkhar tling tein Pathian biak inn ah kan rak kawl tawn lomi kha cu a va pawi ve na ti te lai.
Cucaah, Pathian biakinn pan nakding caah caan tha kan ngei lio te hi hmang zia thiam hna u sih. Cre-Dawttu
Kawlram thawngpang….YeeTaShi Ah Alut Mi SAC Ralkap Kahdoh An Tong, SAC Ralkap 5 An Thi.
Bago ramthen, YeTaShi peng khuate chung ah lut mi SAC ralkap hna cu kahdoh an si tiah YeeTaShi mizapi vengtu ralkap phu, tat – khuai 2 nih cathanh an chuah. YeeTaShi peng SitTaung tiva nichuahlei, DaungInn Kone khuakomh, GweThey khua ah mizapi vengtu ralkap hna an um lio ah SAC ralkap thazaang 20 hrawng cu
GweThey khua an phan i kah an si tiah an thanh. GweThey khua ah hmunhma
zohfelnak an tuah lio ah ThanTaung Chaklei khua ukbawi hlun U Ko Kyi phu
( NTDF ) le YeTaShi peng mizapi vengtu ralkap phu SiaLaw phu hna i bawm in an kah hna i SAC ralkap 5 an thi. Cu kahdohnak ah SAC ralkap nih an kah mi hriamngan kuan nih hliam i mizapi vengtu ralkap phu pakhat a ke ah hliam hme a tuar tiah theih a si.
== Nawlngeihnak Lak Hnu Ni 507 Chung Ah Minung 2007 Nunnak A Liam Cang! AAPP nih
June 22, tiang cathanh a chuah ning ah Myanmar ramchung huapin SAC ralkap
nih nawlngeihnak a lak ni 507 chung ah sualnak ngei lo minung 2007 thah an si cang, tiah theih a si. Tlaihkhih a tongmi dihlak hi 14,237 an si i, an thlah than mi hna 3042an si. SAC ralkap nih mi nunnak a laak mi hna chung ah Yagon in nunnak a liam mi tambik an si.
==Dawei Ah Bomb Chuahsual Ruang Ah PDF Pakhat A Nunnak A Liam. Tanintharyi ramthen, Dawei peng chungah
dotlhennak ralkap phu pakhat a si mi Dawei mizapi vengtu ralkap phu DGRF in ralkap pakhat cu bomb chuahsual ruang ah a nunnak aliam tiah DGRF nih cathanh an chuah. Kum 36 a si mi DGRF ralkap bomb lei tuanvo ngei ralkap Ko Myo cu a luancia June 18 ah bomb an hneksak nak ah an chuahsual i a nunnak a liam hi a si. A nunnak liam mi ralkap Ko Myo cu ram caah paral tha a si i PDF ralkap hna an duhning in Repeat the order kan chuah lai lo i dotlhennak a dih hnu ah kan chuah te lai tiah DGRF nih an thanh. Cre-TCP