Kawlram buai ruangah Hakha le Thangtlang ah duh poah in zu cawk khawh a si ti lo. Mino tampi nih zu a din ti lo caah mi tampi caah thil tha a si ngai. Natein zu din lo in a um kho lo mi tampi an rak um ve ti kah, a tu cu an duh maw duh lo maw, zu he mixed a simi thil cu an kawl cang. Mah hi Chinchin thantlang nih a tialmi a si, Vun rel law, zeitluk in dah lungfak a si mu!! A poi bak ko cang mu. Laimi ngai hi Zuu lo cun a celh kan rak celh rua lo ee. ZU caah Hand Sanitizer An Din Cang. Zu din awk hmuh lo ruang ah kan
Tlangval pawl nih Hand Sanitizer an din mi hi zeitin dah kan kham khawh lai ..
a sau ngai cang hi mu. Biak tak te in ruah a hau cang an thi thlu lai … a si kho loh! Credit. Chinchin Thantlang
A poi ngaingai, zeiti tal in khuaruah hau ko lai ti ah le dinzu ruangah kan ralkap hna ton lo tong an um pah ngai fawn. A donghnak bik ah Zu khap nak in a din zia thiam i cawn piak hi ahlawk deuh tihi si. America cozah pi hmanh nih dinzu arak buaipi, khap len nain an kham kho hlei lo, a donghnak ah dinzia thiam le sikaan lei tu in an kalpi, cucu ahlawk deuh si lai, an khap nolh ti lo hi ta. Credit: Salai Willam HC
kawlram thawngpang dang…CDM Nan Tuah Ahcun Thah Nan Si Lai Tiah SAC Ralbawi Nih An Naule
Tlerhkhonh Hna!: SAC ralkap hmaifong mi hna nih CDM cawlcanghnak nan tuah ahcun thah nan si lai,
ti in ralbawi hna nih an kan tlerhkhonh tiah June 21 ah CDM cawlcanghnak a tuahtu ralkap pakhat nih Pyituh-Pan-Tai ah a chim. SAC ralkap kuttang um khah-lah-yiah 338 in ralkap pakhat cu ralhmun pakhat in CDM a tuah i, a himnak hmun ah ruahmi Pyituh-Pan-Tai phu hna umnak camp ah June 21 ahkhan a phan cang, tiah theih a si.
CDM cawlcanghnak a tuahtu ralkap nih cun, “SAC ralkap kuttang um hmaifong mi hna nih
CDM cawlcanghnak nan tuah ahcun thah nan si lai, tiah commander Kyaw Zin Oo nih
tlerhkhonhnak bia a chim,” tiah a chim. SAC ralkap hmaifong umnak camp ahcun riahcaw kawlhawl in dinh caan ngei lo in rian an ṭuannak kong le tlerhkhonhnak bia a tam caah cu camp in chuah a duhmi tampi an um kong a chim chap.
==Shan Ramkulh In Nili Chung Ah Bomb Hliamhnak In Minung 3 An Nunnak A Liam!:
Shan ramkulh thlanglei Tipaw peng le KuatKhai pengchung ah June 17 in June 20 tiang,
nili chung ah bomb le hriamngan hliamhnak in Htansant khuami 3 an nunnak a liam, tiah theih a si. Tipaw peng HṭanSant khuami cheukhat cu June 20 ah ramlak i mehhang an kawlnak ah bomb i lamhsual in U Aung Aye kum 40 cu a nunnak a liam, tiah theih a si. KuatKhai peng milu 1200 hrawng umnak KaLai khuakomh ZuatAung ralzaam camp ah June 17 ahkhan hriamngan lunghnih a tlak caah
nu pahnih an nunnak a rak liam i, pa pakhat nih hliamhma a rak tuar.
A luancia June 17 ahkhan KuatKhai khuachung ummi SAC ralkap sakhan cu TNLA nih
an kah hna caah, SAC ralkap lei nih hriamngan he an lehrulh hna. SAC ralkap lei hriamngan kahmi cu ralzaam umnak hmunhma chung i a tlak caah nu pahnih an nunnak a liam i, pa pakhat nih hliamhma a tuar, tiah tualchung mi nih an chim. United Nations Office for the Coordination of Humanitarian Affairs (UNOCHA) nih May thlachung i
cathanh an chuahmi ah kum 2022 thlathum chung ah Myanmar rampi huap in bomb puahkehnak
voi 54 a chuak i, minung 20 an nunnak a liam lengah minung 80 nih hliamhma an tuar, tiah an langhter. Shan ramkulh chung ah bomb puahkehnak voi 34 a chuak i, minung 13 an nunnak a liam, hliamhma tuarmi 54 an um. Kachin ramkulh le Rakhine ramkulh nakin Shan ramkulh ah nunnak a liammi cu zatuak in an tam deuh, tiah an langhter. Cre-TCP