Mah hi NC Cung nih a tialmi a si, mi tampi nih a dik tiah comment an tuah i, mi tampi nih “ka ngiat hna i, a dik tukmi a si tiah comment a tam ngai caah ka vun thla mi a si. A tial ning tein ka vun langter lai. “2020 Thimnak lio ah ramchung lei pawl NLD taanh in Miphun ka daw ai timi mino an si ah upa an si ah, atu dirhmun dothlennak ah CDF si seh CNF/A ah ai pe ngam mi hi 100% ah 10% lawng bak an si ti in ka
hmuh. Ai tel i nun a pe cuahmah mi hmanh an lungdonghnak phun in bia an chim i
Kan CHIN ram cu an zam tak thluah mah. NLD Tanh in NLD lawng nih RALKAP/RALHRANG a tei
khoh Ralhrang nih an mah NLD lawng a tih a ti tawn tu Upa deuh timi pawl le a zai cem le a phun hrang cem an si hui. Ram leng lei ah ti ah le khuazei maw kei mah lawng politics ka thiam mah cu chan lio ah cun duhlonak ka rak langh ngam tiin Miphun Party te hna hei ti soisel le Iphone/Laptop hmang in kutpi te in a ral a tha tak mi pawl kha an mui a det in an de lo. A tumtlang ah ai chia i Party hmanh ka dirh
khoh ve ko tiah ai ti theu mi ko kha $100 hmah thawh cu chim lo nunak a pe cuahmah mi le ado
cuahmah mi soisel phun in miphun dang kan ram a namnet cuah mah mi dothlen buu hna
hei uar hlei phun, thimnak lio nan ram dawt kha nan philh maw? Nan politics thiam kha teh nan thlau maw? Phaisa$ na thoh le thoh lo kha chim duh mi theng si loin, nan sining tak le nan nunning,mikut in RUL tlaih aitim mi le zahhngal lo nan si hi nan i ruat/thei bal dek maw! Miphun Party taanh ngaimi kan upa zong kik lo lum lo phun in a-aukhuang pah mi zong cu a um ve nain, a nih khi cu a duh fahtuk caah a si men lai?
A si lo ah Buuluk nawl cu dek cawn ai timh ve. Hi hnu kum tlawmpal ah zei maw zat cu ai fiang te lai.
Kan Ram nih theipar tha a zuun tik ah nunnak a pek in a cawlcang i a pek zong a pe cang mi le chawva
ngeihchiah dihlak in aipe mi kan hmai nan kan zoh ngam te lai dek maw? Nan catial mi le nan au-khuan mi khah leet awk le hnawh than awk an tha lai tiah maw ruat citcet te lai uhcih. Mah karkakak huih in ram dawt ai tim i fimthiamnak a ngei thenglo mi le a tak in ram a daw taktak mi pawl tu zei nantheilo ee nan ninghngal ee tiah a vio-au ngai mi pawl cu nan i hliah thluahmah ko cang hih. Kan ram a that tik ah hmaitonh in nan kan hmu ngam te lai maw”. Cre-NC Cung
Thawngpang dang…Russia ai Hrocer hnu in Biden nih Europe lei ah US Ralkap a Tomtom in Kuat a Timh hna.
Zungzal hmun a ralkap sakhan thar US nih Poland ah hram ka bunh lai i, Russia ai hrocernak dironh
dingin Europe pumpicul in tlang, van le rili ralkap pawl ka chiah lai, tiin Wednesday ah khan Biden nih a chim. US raltuknak tilawng thar pawl cu Spain lei ah an i thawh te lai i, a raltuknak vanlawng pawl cu Britain lei an panh te lai, a keralkap pawl cu Romania lei ah, a air defense units pawl cu Germany le Italy lei ah, a hriamnam tor le cheng cu Baltics lei ah kuat dingin Madrid i an tuahmi NATO meeting ah Biden nih a thanh.
“Atlantic alliance pawl nih nan hmunhma runven dingin nan i pumpekmi hi a thatukmi thil a si.
Kan ramdanghawi pakhat doh cu kan dihlak doh bantuk a si, tiah kan timi hi biatakthlak in kan
chimmi bia a si,” tiin ANTO Secretary-General Jens Stoltenberg he meeting an thok le cangka Biden nih thawnglatu hna sinah a chim. Cuhlan ah lungawtawm in a um pengmi Findland le Sweden ram NATO an luh a si ah cun, NATO hi a thawng chinchin cang lai, tiin Biden nih a chim. “NATO hi a thawngmi, lung ai rualmi an si. Cun tutan kan meeting i karhlannak kan tuahmi nih hin ai fonhmi kan thazang cak chinchin
in a thawnter te lai, timi ai palh kho lo mi thawng kan in thanh hna,” tiin Biden nih a chim.
US nih kan ralkap a thar in Russia ah kan kuat than lai le kuat than lai lo kong kan chim rih lo.
Cun kuat a herhnak a ruang zong kan hmu fawn lo, tiah senior US official nih a chim. Europe lei ah a ralkap zeizat set dah US nih kuat a timh, timi kongah US officials nih a dikdiar in an langhter rih lo. Russia nih Ukraine a luhhnawh hnu in Europe ah US nih a ralkap a kuat chapmi hi 20,000 hrawng an si, tiah theih a si. 100,000 hrawng an um cang, tinak a si. Poland i zungzal hmun ding US army headquarters thar cu tanglei ralkap battalion pakhat nih an zulh lai.
Cucu NATO nichuahlei ah US nih a hmasabik zungzal hmun a headquarter a hram a bunh a si lai, tiah officials nih an chim.
Headquarters thar kan bunh te dingmi nih hin nichuahlei hmunhma vialte ah US le NATO ralkap
pawl rian a tuanti kho dingin thazang a pek hna lai, tiah Biden nih a chim. Spain ram Rotal lei ah kan US destroyers tilawng 4 in 6 tiang kuat dingin rian kan tuanti lai i, tihnung a si mi cawlcanghnak (dohdalnak) leh hngapmap colh kho dingin US Navy a bomh lai, tiin Biden nih a chim. Minung (ralkap) i thleng lelek kho dingin Romania ah US nih a Brigade Combat Team (BCT) a kuat lai. Ralkap 3,000 le raltuknak he ai pehtlaimi riandang a tuan dingmi minung 2,000 an si te lai,
tiin Biden nih a chim. Baltic ram pawl ah cun minung i thlen lelek khawhmi ralkap phu
US nih kuat ai tim – hriamnambunh mawtaw, vanlawng, van ralvennak le special operation forces an
i tel lai. Cu hna nih cun runvennak an teitanh lai i, zeitik can paoh ah timhcia si dingin US ralkap pawl a timhlamh hna lai, tiah White House nih a chim. Cun a hlei in F-35 raltuknak vanlawng phu 2 zong Britain lei ah kuat chap dingin US nih timhlamhnak a ngei. Ralkap 625 Germany lei ah a kuat chap lai. Cu hna nih cun ral pawl an raltuknak vanlawng a kap khotu miakpi an i hman lai i, an ralkap hawile pawl a
langin miakpi in a dirkamh hna lai. Cun mission (tinhnak) a takin a kalpitu phu an si lai,
tiin Pentagon nih a chim. Tutan an kuat chap dingmi hna hi cu 2021 April lio i an thanh cangmi US ralkap pinah an chapchuanmi an si. Italy ah van ralvennak short-range rocket an bunh lai, ralkap 65 an chap fawn lai. “A tu bantuk i ralkap le nan thazang nan chapmi nih hin US hruaitu hna nan i thithruainak a piangko in (decisive) nan kalpinak a langhter,” tin Stoltenberg nih Biden sinah a chim. “Kan ram kulh cungah a
cangmi zeibantuk thil tihnung hmanh dironh kho dingin NATO hi kan sersiam hrimhrim lai.
Cuhlan vialte nakin a tu ah NATO hi herh a si deuh cang, ti hi kan langhter cuahmah ko cang,” tiin Biden nih a chim. “Turkey nih F-16 chap dingin an in halmi hna hi teh?” tiin an hal i, “Turkey nih a ralkap thazang tharchuah ai timhmi hi kan dirpi ngaingai ko,” tiin US senior official nih a chim. Tutan i Turkey nih kan US hriamnam an kan halmi hi cu NATO chungtel si lo dingin Finland le Sweden a duhpiak lo mi he zeihmanh ai sengmi a si lo, tiin official nih a chim. Cre-Chelsea Bawi