Coronavirus ruangah kawl ram zong a buaituk cang i, mi tampi cu leng chuak ngam loin inn ah um a si cang. Inn ah um hi sii thabik a si cang caah rian ttuan duh zongah rian ttuan ngam lo in inn ah um cio a si cang. Kawl ram zong mah zawtnak nih a phan ve cang caah ralrin tein um a herh lio a si. Mirum caah cun ei le ding ah buainak a um tuk lai lo, natein ni fatin rian ttuan i, ei a kawl mi caah cun ni khat rian ttuan lo zong khi a poi tak tak mi a si.
Macao um We Love Myanmar Group nih kawlram caah coronavirus lakah i khamnak le damlo zohkhennak caah a herhtuk mi, amah loin rian ttuanngam a si lo mi thil herh mi le PPE set 30 cu kawlram caah an hlut. Mah thil an hlutnak hmun cu Mindat Civil Hospital, Kalaymyo le khampat Civil Hospital sin ah khuasik zohkhennak le coronavirus lakah a herhtuk mi PPE set 30 cu an pek hna.
A sunglawi tuk: COVID-19 in azaw mi Pastor pa ruangah zumlo tu Doctor pa nih Pathian dawtnak sunglawi tuk aco……Italy ram i siibawi Dr.Julian Urban cu Pathian zum lo tu asi . Covid 19 zawtnak ngei in siizung akai mi Pastor (kum 75) ruangah athlop bul tu siibawi pa nih Pathian dawtnak atheih cu asi .
Kum 38 simi Dr.Julian nih aton mi cu hitihin achim “Pathian zum lotu ka si ko, asinain aluanci ni 9 ah kum 75 simi Pastor cu COVID zawtnak ruangah siizung arak kai . mitha asi i,Bible ca arak i ken, apawngkam ah nunnak aliam cuahmah mi hna kut tlaih pahin Bible ca cu arel zungzal . Kan nih siibawi pawl zong kan riantuannak ruangah taksa le thinlung in kan thaba tuk cang . Cu caan ahcun Pastor nih arel mi pawl cu ka van ngai tawn .
Tuah khawh mi zeihmanh ka ngei lo , nifatin in an thi hna, ka tuan hawi pahnih zong an thi , kan chungkhat zongah dam lomi an sum .Pathian sinah bawmh hal aherh cang kha ka theih..Pathian zum lo tu ka sinain Pathian sinah bawmh hal caan asi ti kha ka theih ,zumh cang .
Kum 75 pastor cu athi cang . Zarh thum chung ah 120 an thi ,awlokchong in kan um hna . Cuti harnak kan ton cuahmah lioah anih cu Hnangamnak petu sinah adin cang .Kannih zong amah dinhnak ah kan kal cio te lai .
Inn ka tin lonak ni 6 asi cang . tha tein rawl ei khawh zong asi ti lo . Lei cung hi zeihmanh lo asi zia hi ka fiang tuk cang . Kan thaw ngeih mi le nunnak hi midang caah pek duhnak lungthin ka ngei . Pathian sinah ka kir than caah lunglawmhnak in ka khat ..ka pawngah mi an thi ,ka chung le an thi nain lunglawmhnak in ka khat . Italy ram cu Coronavirus ruangah athi mi tambik ram an si caah an rampi caah Pathian sinah thla an cam zungzal ko .
Leave a comment