Miphun ralkap KIA, KNU, CNA le Shan Army nih chetmaw ralhrang thrua ko hmanh hna sihlaw anmah le state cio caah a si. Hi nih hin Kawlram Cozah aa thlen ter kho lai lo, democracy a chuah ter kho fawn lai lo. Cucaah PDF le CDF tibantuk hi ttheh dihin FEDERAL ARMY a tuan leiin dirh a hau…miphun ralkap pawl cu um ve ko hna se, lung i hmuin Federal Army nih Mandalay, Yangoon le Naypyetaw attack hna se, atu ralkap chung i unity umlo lio te le,
thinlau i an um lio teah hin TEI khoh an si. Cun ralkap a dohmi phu vialte le mipi vial te hi i lungrual
te i um a hau. NUG Cozah i deplomacy ttha te i a tuahmi hi zulh dih a herh. Cre-Chema Hlondo
Thawngpang dang…Myaung Le Minkin Um SAC Ralkap Kahdohnak Ah SAC Ralkap 6 An Thi!: Sagaing ramṭhen Myaung peng, ShwePan (ရွှေပန်း) khua ah umhmun khuarmi SAC ralkap 70 hrawng cu Chaung U Local Defense Force (CHULDF) nih June 29, zinglei suimilam 9:58 ah an kah hna.
Cu kahdohnak ah cun SAC ralkap le pyusawhṭi chungtel 2 an thi, tiah
Chaung U Local Defense Force nih an thanh. Cu kahdohnak ah cun Chaung U Local Defense Force
(CHU LDF) in ralkap 15 nih kutser meithal in ShwePan(ရွှေပန်း) khuachung um SAC ralkap cu an kah hna. SAC ralkap nih hriamngan le hriamhme in an kah ve hna nain LDF lei hliam tuar um loin hnu an tolh, tiah theih a si. Cu hnu ah SAC ralkap pakhat cu sniper kahnak in a thi i, bomb puahnak in pyusawhṭi chungtel 3 zong an thi, tiah media nih an langhter.
=Bhamo Ah Tlaih A Tong Mi Minung 9 Lak Ah 4 Cu Taza Cuai An Si!:
Kachin ramkulh Bhamo (ဗန်းမော်) Thasi(သာစည်) sang trafic point ah palek 2 kah an si hnu in tlaih
a tong mi civil mi 9 lak ah 5 cu an luat i, a dang 4 cu taza cuai an si, tiah tualchung mi hna sin in theih a si. Cupinah nizaan (June 29) zing Sml 11 hrawng ah civil mi hna a tlaitu palek bawi Kyaw Ko Ko Tanh (ကျော်ကိုကိုသန့်) hruai mi palek hna nih dawr pakhat an boh i, thil man sung le computer pawl zong an laak tiah theih a si. Uknak laak a si hnu in Bhamo khuachung ah atu le tu ti awk in bomb a puak i,
SAC ralkap nih civil mi 20 hrawng an tlaih cang hna, tiah theih a si.
Thawngpang dang…Shwebo Ah Hriam Keng Lo PDF 9 Thah An Tong!:
Sagaing ramṭhen, Shwebo peng Kyonseih (ကွန်ဆိပ်) khua pawng ah GZ Special Task Force (Wetlet) in PDF 9 cu SAC ralkap kut in an nunnak liam, tiah GZ Special Task Force (Wetlet) le an chungkhar hna nih June 30 ah RFA ah an chim. PDF chungtel hna cu June 29 chun ah khan Wetlet peng in, Shwebo peng lei panh in Ayadaw peng ah sii-ai thlopbul lei cawng ding in an kal lio ah SAC ralkap nih an tlaih hna i,
an thah hna, tiah GZ Special Task Force (Wetlet) in rianngeitu Bo GZ nih a chim.
“Thah a tong mi hna cu hriamthil an i put lo i, sii-ai thlopbul cawng ding in a kal mi an si.
Hlathlainak kan ngeih hnu ah lampi a him ko tiin kan thlah mi hna an si. SAC ralkap nih zeitin an tlaih hna cu kan fiang lo. Nizaan ah tlaih an tong ti tiang lawng thawng kan theih khawh i, an hmanthlak kan hmuh hnu lawng ah kanmah lei an si kan hngalh khawh hna,” tiah a chim. Thah a tong mi nu hna cu kum 14 a si mi Ma Pah Pah Khine(မပပခိုင်), Ma Win Ei Kyaw (မဝင်းအိကျော်) kum 15, Ma Naing Naing Aung (မနိုင်နိုင်အောင်)
kum 24 le Ma Thit Thit Hlaing (မသစ်သစ်လှိုင်) an si. Pa ah cun kum 17 a si mi
Ko Pho Thong (ကိုဖိုးထောင်) le Ko Bong Kyaw (ကိုဘုန်းကျော်), Kum 21 a si mi Ko Thein Tan U(ကိုသိန်းသန်းဉီး), kum 27 a si mi Ko Aung Kyaw Moe (ကိုအောင်ကျော်မိုး) le Ko Pho Nyin (ကိုဖိုးငြိမ်း) hna an si. Mino hna thah an ton cu chim awk ṭha lo in ka lung a fak tuk hringhran, tiah PDF nu a thi mi hringtu nu pakhat nih lungfaak ngai in a chim. SAC lei nih PDF 9 thihnak kong he pehtlai in an thanh mi a um rih lo. Cre-TCP