Chinese News Agency CGTN (China Global Television Network nih a tial ning ahcun, February thla chungah tuah ding mi ASEAN foreign Minister Meeting ah Myanmar ram State Administrative cozah lei in palai a kal lai lo tiin ralkap cozah biachimnak nawlngeitu Major General Zaw Min Tun nih a chim. ASEAN foreign Meeting ah ralhrang cozah aiawh a tel lonak ding voihhnihnak a si cang.
ASEAN lei ah hruaitu Combodia Prime Minister nih Military Foreign Minister Wanna Maung Lwin a si lo
mi, midang Politic he kong he a pehtlaih lo mi minung rak kaiter ding in ka chim cang tiin a chim
Cambodian Foreign Ministry biachimtu Mr.Chum Sounry nih cun Cambodia ram ah ngei ding mi ASEAN Meeting 16th -17th February kong cu Myanmar ralkap council February ni 3 ah kan rak theiter cang tiin a chim. Myanmar ramchhung buainak daiternak ding caah ASEAN ram pawl nih five-point ASEAN “consensus an rak ser cang mi cu ASEAN le UNO nih tlamtlingter ding in Myanmar cozah sin ah an chim
tawn mi cu nihin tiang Burma ralkap cozah lei nih zeihman tlamtling ter ding in rian an tuan lo caah
ASEAN ram pawl nih Myanmar ralkap cozah sin ah ruahchannak an ngei bak ti lo tiah report nih a langter. Cre-Tahan Group
Thawngpang dang..Ralhrang le mizapi vengtu ralkap hna kahdohnak ruangah Chin ramkulh Kanpetlet khua chung ummi 100 ah 70 nih khua an chuahtak i hmundang ah an zam hna. Cucaah inn tampi cu minung um loin an ṭhing, an lawng i mifir phu nih zantin tein an baoh, thilri an fir len hna tiah theih a si. Kanpetlet khua chung ummi pakhat nih “Hmasa ah cun ralhrang nih an fir rua tiah kan ruah. Asinain a hnuah kan inn pawng inn pakhat an baoh lio kan hmuh i ralhrang an si lo.
CDF zong an si lo. Kan hmuh bal lomi an si i a bu in an si” tiah a chim. Mifir phu chungah cun nu zong an i tel.
Khua chungah CDF an um lo caan, zaan ah an ra tawn i Lai meithal an i put tawn tiah khuami dang nih an chim fawn
==Chinram, Matupi peng chung ah kahdohnak a fah caah ralhrang nih internet line le mawṭaw lam an phih caah facang cawk ding a um ti lo i khuate lei ah a hlannak in a lethnih man fak in cawk a si cang, tiah tualchung mi pakhat nih a chim. “Facang a dih, Mawtaw ti ah-le minung citmi lawng an lut, Mawṭaw ngan mi le thilphur mawṭaw an um ti lo, Facang hi khuate lei ah cawk a si i,
a hlan i facang pungkhat thonghra (10000mmk) in cawk tawn mi kha atu ah cun thongkul le thongnga (25,000mmk) a si
cang i a fawi lo, tlawmpal ah cun facang a dih dih lai,” tiah tualchung mi pakhat nihcun a chim.
Chungkhar cheukhat hna nih a hlan tein ei ding an rak i khon ko nain hiti ning tein lam a pih ko ahcun cu hna pawl ta zong cu a dih colh ve lai, tiah theih a si. “Facang cu kan ngei rih, nain atu taangmi a dih ahcun a um ti lo, cawkding zong a um lo i lam nihle atu tiang an ong rih lo,
facang kong ahhin kan lungre a thei bik,” tiah tualchung mi pakhat nih Chin World Media sin ah a chim.
Matupi ahcun january 5 in phone line a pit i january 9 ah an on ṭhan, Tualchung mi nu pakhat nihcun, “Phone line a pih in khuachung ah puahkeh thawng kan theih, Facang kong tu ahcun cawk ciami kan i chiah nain chungkhar khuasa kan tam caah kan i za lai lo, lam an phih pengmi hi thinphang si ko, Facang man atu nakin a kai sual lai ka phang,” tiah a chim. January thla thawk in ralhrang le CDF Matupi karlak ah atu tiang kahdohnak a chuak lengmang, tiah theih a si. Cre-TCP