Tu lio kawlram chungah thawngpang a linsa ngai mi cu Nationwide Ceasefire Agreement (NCA) kong a si, Tlancung mi tampi mah meeting ah an kal ve, Natein thawngpang kan thei mi ahcun zeihman biakhianak /Dainak an tuah kho lo ti a si. China-based Burmese political observer Dr. Hla Kyaw Zaw nih a chim ning ahcun, military council nih
peace talks ngei ding in tlancung mi le political party tampi a sawm hna. Natein a biapi tuk mi NUG le
CRPH a sawm lo caah, peace talks meeting a dih hnuah Ethnic Armed group hna cu a dang dang in
MAH cozah nih meeting a tuah pi than hna, Mah bantuk in MAH cozah nih a tuah mi hi mipi venhimtu PDF karlakah buainak ser a tim caah a si tiin a chim. Sr.Gen Min Aung Hlaing zumtlak a si lo ning kong tampi chim ding a um, Atu Peace Talk a ngei mi hi ASEAN Foreign Minister meeting a um ding mi ah thiam a cohter duh ruangah
le vawleicung hmaiah thiam a cohter duh ruangah Peace meeting hi a ua mi a si ko tiin a chim.
Myanmar Institute for Strategic and Policy Studies (ISP-Myanmar) nih record a tuah mi a langter ning ahcun, Myanmar hmun dang dang ah Burma ralkap he i dohnak (armed clashes) 2272 a chuak cang. Junta cozah nih nawlngeinak an lak hnuah ralzam hna cu 550,000 leng an si cang tiin an langter. Credit-Tahan News
Thawngpang dang..Chindwin Yoma ralkap Phu fonh hi National Unity Government (NUG) i Defense Ministry nih
theihpinak in hriamnam nan kan bawmhchanh ahcun Mongwa khuapi kan laak khawh colh, lai tiah
Chindwin Yoma Ralkap phufonh nih NUG sin ah bawmhhalnak ca an pek. Chindwin Yoma ralkap phu fonh hna cu Yinmapin pengkomh, Yinmapin peng tualchung mi chungtel minung 21 nih October 10, 2021 ah rak dirh mi a si. Chindwin Yoma ralkap phu fonh ah hin Battalion 9 tiang an um i ralkap thazang 1935 an um, tiah theih a si.
Ralkap phu fonh nih cun, “Ralhrang uknak a hram in bongh ding; a zalong mi ram ser ding le Federal ramkomh ser ding;
Mizapi runven ding le ralhrang dohtu hriamtlai dang hna he lungrual tein mizapi ca ah a dai mi ramthar serding ti mi hmuitinh he dirh mi a si. Cucaah NUG nih hngalh pimi ralkap phu sinak ding le hriamnam zong in bawmchan ding in an nawl i “Hriamnam nan kan bawmh ahcun Mongwa khuapi cu kan laak khawh colh” lai tiah an bawmhhalnak ca ah an ṭial.
CDM Tuah khawh Lo Ruang Ah Palek Bawi Pakhat Amah Tein Ai Kap: Irrawady ramṭhen, Thapaung peng,
Piohphet sehzung a cawngtu palek bawi Duh- Ye-oh Aung Thein Kyaw timi cu amahte meithal in ai kap, tiah theih a si. Duh-Ye-Oh Aung Thein Kyaw hi a kumkhua a upa cang i CDM a tuah khawh lo caah pension pekding in cunglei ah a hal hna i, an pek duh lo caah lungrawk ngai in ni 5 chung hrawng a um hnu ah amah tein ai kahnak hi a si, tiah tualchung thawngzamh hna nih an langhter.
“Palek bawi pa hi pension a laak nakding a hlat deuh rih caah cunglei nih an sianh lo, tiah theih a si.
CDM tuah ding ah a upa cang fawn i Pension tu a hal hna hi a si i, an sianh lo tik ah a lungrawh celh loin meithal a ka chung ah i hmuah in aa kap,” tiah tualchung mi pakhat nih a chim. Ralhrang nih uknak an laak hnu in Irrawady ramṭhenn ah palek le ralkap CDM tuahmi 2000 leng an si cang i Department dang cio zong in rian a chuah taak mi an tam, tiah kan theih. Cre-TCP