Ram pumpi Mizapi Silent Strike ah i tello ding in Hakha khuachung ah Nizan january 27 zanlei sml 3:00 hrawng ah ralhrang nih Motor he khua an hel i an au, tiah khua mi hna sin in kan theih. “Meithat motor cung ah Loud Speaker an chiah i, a biapi in CRPH, NUG pawl cu ralhrang phu an si, Anmah he ai pehtlai mi CDF pawl zong hi ralhrang an si.
Cun, Cozah thilri le ngeihchiah a tlakchiatnak ding ah forhfialnak, hrocernak pawl Social media ah a
lamkip in nan tuah ahcun ralhrang upadi in dantat nan si pin ah nan inn zong chuh nan si lai, tiah an au
pin ah cazual tete zong an phawt pah,” tiah khua mi pakhat nih a chim. Febuary 1 ah tuah ding mi ralhrang nih uknak an laak kumkhat tlinnak ni ah ram pumpi in ‘Silent Strike’ ah ai telmi cu pohmah-52(a) le pohmah-124(a) le pohmah-505(a) pin ah Cyber law pohmah 33(a) in tazacuai khawh nan si, tiah ralhrang nihcun Hakha khua mi cu an hro hna. Cre-TCP
Kawlram Thawngpang dang… Kachin ramkulh, Muhngin (မိုးညှင်း) lei ah Tank he rallam a sialtu ralhrang
phu hna motor cu Hupin (ဟိုပင်) ah nihin chunhnu suimilam 1:00 hrawng ah KIA le PDF phufonh nih an doh. Hi kahdohnak ah hin ralhrang lei minung 10 nak tlawm lo an thi, tiah PDF nih cathanh an chuah. “Ralhrang phu lei nih hriamngan le tank in an kah hna nain PDF le KIA in hliamtuar an um lo. “Ralhrang phu hna cu lampi
hmunhnih i doh an tonnak ah a thi mi le hliamtuar an tam, lampi ah an thisen luannak hmuh a si,
ralhrang lei a thimi hna an ruak cu motor in an thiar hna,” tiah PDF nih an cathanh chung ah cun an langhter.
KIA le PDF thawngzamhnak pakhat nih cun Hupin(ဟိုပင်) kalnak ah ralhrang phu hna motor cu kahdoh an ton caah ralhrang hna motor cu aa let i a thi mi ruak cu motor 3 nih a char hna, ralhrang phu chungtel 10 nak tlawm lo cu an thi i hliamhma tuar zong an tam, tiah an langhter. Khit Thit Media
= Karreni ramkulh, Loykaw peng, Thodungantha khua ah miruak 2 khua mi hna nih an hmuh i January 28 ah Shwe Ngiang Pin Mibawmtu bu nih an vui hna, tiah theih a si.
Cu a thi mi pahnih hna cu nufa an si i Daw Moe (Kum 63) le a fapa Saw Da Htoo (Kum 23) an si, tiah fehter a si.
Hi hna nufa hi ralhrang nih an thah mi hna an si, tiah Kanrenni Party simi PKPF nih an thanh. Loykaw peng thlanglei um mi Mailung, Pankan le Htodongan tah khua hna ah hin nizan nai ah ralhrang le Karreni hriamtlai karlak ah kahdohnak a chuak i ralhrang kah mi hriamngan le Vanlei in vanlawng in kuan an thlah mi nih mizapi in tam ngai a hrawh, tiah theih a si. Cun, Sagaing ramtthen, YeeOo peng Pungtaka khualam ah mithi ruak pakhat cu
January 28 ah an hmuh ṭhan i ṭha tein zohfelnak an tuah tik ah Ko Aung Gyi ti mi a si, tiah theih a si.
A ruak cu Pangiah Kuhtah Mibawmtu phu nih YeeOo siizung ah an kalpi i, thingkung ah a hren chih in an tuk velhnak ah a thi mi si, tiah an chim. Zeiruang ah an hrem i an thah? timi cu hngalh asi lo. Magway ramṭhen, Pakokko peng Kanma khua ah ralhrang nih an thah mi pakhat cu a ruak vawleivawr an chilh in an hmuh ṭhan. Kangyisuh khua mi U Chit (Kum 40) a si i, a ruak cu a thut tuk cang caah cuka hmun ah cun thuk deuh in an phum lawlaw, tiah theih a si. Cre-TCP